Sverdlovski ölkäsendä Qazannıñ meñyıllığına bağışlanğan çaralar däwam itä. Ölkä xökümäte räise Aleksey Vorob'yev raslağan, “Qazan şähäreneñ meñyıllığın bäyräm itüdä Sverdlovski ölkäse qatnaşı buyınça ütkäreläçäk çaralar” isemle xökümät qararında mädäniät häm mäğärif ministrlığı, sport häm turizm ministrlığı, sänäğät häm säwdä ministrlıqları tarafınnan başqarılaçaq küp kenä çaralar uzdıru küzdä totıla. Alar arasında Ural predpriätieläre tarafınnan bu olı bäyrämgä büläk itep suvenir äyberlär çığaru da qaralğan. Şunı istä totıp, Bogdanoviç şähärendä eşläp kilgän farfor zavodı Qazan Kremle küreneşe, Qol Şärif mäçete, Söyembikä manarası surätläre töşerelgän yuğarı sıyfatlı suvenir produktsiä çığarunı cayğa saldı. Biredä küz yawın alırday bik matur çınayaqlar, tälinkälär häm başqa sawıt-sabalar kürergä bula. Tatarstannıñ Uraldağı daimi wäkillege tarafınnan Qazannıñ meñyıllığına bağışlap avgust axırında uzdırılaçaq bäyräm atnalığı waqıtında bu produktsiäneñ maxsus kürgäzmäsen oyıştıru küzdä totıla. Monnan tış, Bogdanoviç farfor zavodı citäkçeläre inde Qazanda da üz produktsiäläreneñ qullanuçısın tapqan. Bäyräm könnärendä bu suvenirlar Qazan qunaqları iğtibarına da täqdim iteler digän ömet bar.
Yekaterinburg şähärendä eşläp kilüçe “Uralaerogeodeziä” dip atalğan federal' däwlät unitar predpriätie Qazan şähäreneñ tögäl qartasın täqdim itä. Qazannı yaxşı belgän keşelär, qartanı qarağannan soñ, Ural belgeçläreneñ xäbärdarlığına tañ qalırlıq dilär. Biredä Qazan şähäre uç töbendä kebek. Mäğlümatlar küp törle, tögäl häm añlayışlı itep birelgän. Alar çittän kilgän keşegä, qartağa qarap, xakimiät orğannarı urnaşqan urınnarnı da, mädäniät uçaqların da, arxitektura häykällären, muzeylarnı, yuğarı uqu yortların, mäçetlärne häm çirkäwlärne, qunaqxanä häm şifaxanälärne, ğomumän, kiräk bulğan böten närsäne dä bik ciñel tabarlıq itep eşlängän. Monnan tış, Qazan metrosınıñ häm Qazan Kremleneñ tögäl sxeması da kürsätelgän. Älege qartalar Qazannıñ meñyıllığına qunaq bulıp baraçaq räsmi delegatsiä äğzalarına büläk itep birelde.
Bu könnärdä Yekaterinburg şähäreneñ El'maş mädäniät sarayında Qazannıñ meñyıllığına bağışlanğan zur konsert bulıp uzdı. Konsertnı Yekaterinburg şähäre tatarlarınıñ milli-mädäni avtonomiäse “Yekaterinburg yoldızları” ansamble qatnaşında oyıştırdı. Äle küptän tügel genä tözekländerelep, zamança cihazlandırılğan, şähärneñ iñ matur zallarınıñ bersenä äwerelderelgän El'maş mädäniät sarayı, işeklären kiñ açıp, ul könne tatar tamaşaçısın qabul itte. Cır bäyräme bik küñelle bulıp uzdı. Tamaşaçılar Ural töbägeneñ tanılğan cırçıları İl'dam Şäripov, Zölfiä Möbäräkşina, Miläwşä Gaynanova, Salawat Gobäev, Ferdinand Kamalov başqaruındağı cırlarnı bik yaratıp qabul ittelär. Xalıqnıñ küñel xisläre çağılışı xalıq cırlarında çağıla. Ğomumän, tatarnı moñsız-cırsız küz aldına kiterü dä mömkin tügel. Şuña kürä barlıq tatar xalqınıñ märkäze bulğan Qazanıbızğa yubiley belän büläk itep üz köçebez belän tatar konsertı oyıştırdıq, di ansambl'neñ citäkçese, Tatarstannıñ atqazanğan mädäniät eşleklese, kompozitor İlgiz Safiullin.
Qazannıñ meñyıllığına bağışlanğan konsert İldam Şäripov başqaruında “Min yaratam sine, Tatarstan” cırı belän tämamlandı. Xalıq ayäğurä basıp, qul çabıp, meñ yäşär Qazanğa säläm cibärde.
Fäwiä Safiullina, Yekaterinburg
Yekaterinburg şähärendä eşläp kilüçe “Uralaerogeodeziä” dip atalğan federal' däwlät unitar predpriätie Qazan şähäreneñ tögäl qartasın täqdim itä. Qazannı yaxşı belgän keşelär, qartanı qarağannan soñ, Ural belgeçläreneñ xäbärdarlığına tañ qalırlıq dilär. Biredä Qazan şähäre uç töbendä kebek. Mäğlümatlar küp törle, tögäl häm añlayışlı itep birelgän. Alar çittän kilgän keşegä, qartağa qarap, xakimiät orğannarı urnaşqan urınnarnı da, mädäniät uçaqların da, arxitektura häykällären, muzeylarnı, yuğarı uqu yortların, mäçetlärne häm çirkäwlärne, qunaqxanä häm şifaxanälärne, ğomumän, kiräk bulğan böten närsäne dä bik ciñel tabarlıq itep eşlängän. Monnan tış, Qazan metrosınıñ häm Qazan Kremleneñ tögäl sxeması da kürsätelgän. Älege qartalar Qazannıñ meñyıllığına qunaq bulıp baraçaq räsmi delegatsiä äğzalarına büläk itep birelde.
Bu könnärdä Yekaterinburg şähäreneñ El'maş mädäniät sarayında Qazannıñ meñyıllığına bağışlanğan zur konsert bulıp uzdı. Konsertnı Yekaterinburg şähäre tatarlarınıñ milli-mädäni avtonomiäse “Yekaterinburg yoldızları” ansamble qatnaşında oyıştırdı. Äle küptän tügel genä tözekländerelep, zamança cihazlandırılğan, şähärneñ iñ matur zallarınıñ bersenä äwerelderelgän El'maş mädäniät sarayı, işeklären kiñ açıp, ul könne tatar tamaşaçısın qabul itte. Cır bäyräme bik küñelle bulıp uzdı. Tamaşaçılar Ural töbägeneñ tanılğan cırçıları İl'dam Şäripov, Zölfiä Möbäräkşina, Miläwşä Gaynanova, Salawat Gobäev, Ferdinand Kamalov başqaruındağı cırlarnı bik yaratıp qabul ittelär. Xalıqnıñ küñel xisläre çağılışı xalıq cırlarında çağıla. Ğomumän, tatarnı moñsız-cırsız küz aldına kiterü dä mömkin tügel. Şuña kürä barlıq tatar xalqınıñ märkäze bulğan Qazanıbızğa yubiley belän büläk itep üz köçebez belän tatar konsertı oyıştırdıq, di ansambl'neñ citäkçese, Tatarstannıñ atqazanğan mädäniät eşleklese, kompozitor İlgiz Safiullin.
Qazannıñ meñyıllığına bağışlanğan konsert İldam Şäripov başqaruında “Min yaratam sine, Tatarstan” cırı belän tämamlandı. Xalıq ayäğurä basıp, qul çabıp, meñ yäşär Qazanğa säläm cibärde.
Fäwiä Safiullina, Yekaterinburg
