Accessibility links

шимбә, 10 декабрь 2016, Казан вакыты 12:04

Äfğänstansda parlament saylawları yaqınlaşqanda köç qullanu arta bara


AQŞ xärbiläre äytüençä, bügen Äfğänstannıñ könçığışındağı Ğäzni wilayätendä doşman eşçänlegenä qarşı operatsiä barışında yulğa quyılğan minağa yulığıp ber amerikan soldatı hälak bulğan. Äfğänstanda uzğan ber atna eçendä 5 amerikan soldatı üterelde. İlneñ könyağındağı Zabul wilayätendä Taliban suğışçıları dip şiklänelgän keşelär ber xatın-qıznı AQŞ şımçısı dip öyennän alıp çığıp cäzalap ütergän. Taliban süzçese Abdel Latif Xäkimi Talibannıñ ul xatınnı ütergänlegen häm ul xatınnıñ ike ir tuğanın alıp kitkänlegen rasladı. Bügen Äfğän saylaw şurası 18-nçe sintäberdä ütäçäk parlament saylawları öçen kiräk bulaçaq äyberlärne il buylap tarata başlawın iğlan itte. İlneñ törle urınnarına 40 millionlap tawış birü qäğäzläre, häm 135 meñläp saylaw tartmaları taratıla. Saylaw räsmiläre äytüençä, bu eştä yök oçqıçları, boralaqlar, yök maşinaları häm qayber tawlı urınnarda xätta işäklär dä qatnaşa.

XS
SM
MD
LG