Accessibility links

якшәмбе, 11 декабрь 2016, Казан вакыты 15:02

Semberdä İdris xäzrät Ğäläwetdin bulıp kitte


Räsmi tanılmağan möfti Fatıyx xäzrät Aliullov çaqıruı buyınça anıñ Boxara mädräsäsendä bergä uqığan sabaqtaşı İdris xäzrät Galävetdin Semberdä bulıp kitte. Başqarğan wazifalarına qarasañ, İdris xäzrät kürenekle din ähele ikän: Çallınıñ “Täwbä” mäçete imamı, İslam universitetınıñ Çallı filialı möğallime, Tatarstan diniä näzaräteneñ Ğölämälär şurası äğzası.

Kilüeneñ maqsatı – küp kitaplar avtorı bularaq, alar belän tanıştıru, ürnäk wäğäzlär uqıp kürsätep, Sember mäçetlärendä alarnıñ sıyfatın kütärügä uñay tä''sir yasaw. Äytergä kiräk, beleme buyınça da, söyläw ostalığı yağınnan da ürnäk bulıp torırlıq din ähele. Ölkä üzägeneñ 6 mäçetendä buldı ul. Härbersendä namazdan soñ ikeşär säğätkä suzılğan wäğäzlär tottı. Barısında da törle temalar saylawı ğına da anıñ kiñ eruditsiäsen kürsätä ala. Tağın ber üzençälege iğtibarğa layıqtır: Qor''än-Kärim ayätlären ul niçekter milli moñğa yaqınaytıp yañğırata. Ä monısı inde uqılğan ayätlärneñ tä''siren dä köçäytä.

Soñnan qorılğan äñgämä dä, wäğäzlärneñ sıyfatın nığıtu çaraları turında bardı. Şulay uq wäğäzlärne urıs telendä birü turında da süz çıqtı. İdris xäzrät fikerençä, ana tele dinebez belän nıq berekkän, häm alarnı ber-bersennän ayırırğa yaramıy. Qayber din ähelläreneñ “İslam dine öçen millätlär yuq” digän ğibärä astında ana telen inqar itüläre turında ber satirik şiğeren dä uqıp kürsätte.

Ayrat İbrahim, Sember

XS
SM
MD
LG