Accessibility links

пәнҗешәмбе, 8 декабрь 2016, Казан вакыты 21:07

Meñ yıllıq aldı oçraşular


2005 yılda tatarstanlılarğa xac qılu öçen 700 urın bilgelängän. Rossiä Federatsiäsenä birelgän öleş 13 000 urın täşkil itä. Bu kileşügä Soğud Garäbstanınıñ Xac eşläre ministrlığı häm Rusiä Xökümäte qarşındağı xac eşläre buyınça wäkil Äxmät Bilalov citäkçelegendäge Rusiä delegatsiäse tarafınnan qul quyılğan. Bıyıl xac qılu mäs’älälären xäl itü öçen Soğud Garäbstanına baruçı Rossiä delegatsiäse sostavında Rossiäneñ Möftilär şurası wäkile bularaq Tatarstan möftie Ğosman İsxaqi da bar.
11 avgustta Qazanda Rusiä İqtisatı üseş häm säwdä ministrlığınıñ İqtisatta däwlät köyläwe departamentı direktorı Andrey Şarov eşmäkärlär belän oçraştı. Mäskäwdän kilgän bu citäkçe keçe eşmäkärlärgä häm fermerlarğa yärdäm itü buyınça Rusiä töbäkläre arasında oyıştırılğan bäygedä ciñüçelärneñ täcribäse häm problemaları belän qızıqsındı. Tatarstanda Andrey Şarov "İdel buyı üzäge" һәм "Sviäga" biznes-inkubatorı eşçänlege belän tanışa, däwlät xakimiäte, eşmäkärlär assotsiatsiäläre häm berläşmäläre wäkilläre belän oçraşa, 2005 yılda keçe eşmäkärlekkä finans yärdämen күрсәтү programmaları mäs’äläläre turında söyläşä.
İrtägä Qazanğa Rusiä Federatsiäseneñ Grajdanlıq oboronası eşläre, ğädättän tış xällär häm tabiğät bälä-qazaların beterü buyınça ministrınıñ berençe urınbasarı Yuriy Vorob'yev häm Rusiä ğädättän tış xällär ministrlıysınnan eşçe törkem kiläçäk. Pänceşämbe könne premyer-ministr Röstäm Minnexanov häm berniçä xökümät äğzäse maxsus oçqıçta Mäskäwgä barıp qayttılar. Bu turıda räsmi mäğlümat taratılmasa da, Qazannan Mäskäw Kremlenä barğan eşçe törkemeneñ Qazannıñ meñ yıllığın ütkärü häm avgust axırında Qazanda xalıqara däräcädä ütäçäk çaralarnı centekläp oyıştıru turında süz baruı mäğlum. Şulay itep, Qazan möhim sammitlar häm tantanalar aldınnan törle dairälär belän söyläşülär häm oçraşular ütkärä.
Al'bina Zäynulla

XS
SM
MD
LG