Accessibility links

якшәмбе, 4 декабрь 2016, Казан вакыты 00:56

BMO Atom idaräse İran turında qarar qabul itte


Vena -- Berläşkän Millätlär Atom İdaräse, İrannı atom eşçänlegen tuqtatırğa çaqırğan qarar qabul itte. Qarar qabul itelgänçe ük İrannıñ Atom energiä idaräse başlığı urınbasarı Mäxämmät Saedi räsmi Tähran bu dokument belän qänäğät tügel, anı kire qağaçaq, digän ide. Yevropa Berlege äzerlägän dokumentta, İran atom eşçänlegen tulısınça tuqtatırğa, İdarä başlığı Möxämmät Äl-Baradei İrannıñ xalıqara kileşülärne ütäwen tikşerergä tieş, digän süzlär bar. İdarä süzçese Melissa Fleming jurnalistlarğa bolay dide:

"Bu ölgedä İrannıñ, İsfahan şirkätendä uran eşkärtü eşlären yañartu qararı uñayınnan, citdi borçılu belderelä. Älege qararnı üzgärtergä, uran bayıtu eşlären tulısınça tuqtatırğa digän öndäw bar."

Yevropa Berlege mäsäläne Berläşkän Millätlärneñ İminlek Şurasında tikşererü belän kisätkän ide. Älegä ölgedä andıy matdä yuq. İran Yevropa Berlegeneñ soñğı täqdimnären kire qağıp, atom eşçänlegen yañartıp cibärde. Berük waqıtta, ul söyläşülärne däwam itergä teläk belderde.

XS
SM
MD
LG