Accessibility links

Кайнар хәбәр

Äfğanstan: xatın-qız deputat namzätläre kisätelä


Äfganstanda sintäber ayında ütäçäk parlament saylawlarında namzätleklären quyğan xatın qızlarnıñ bik kübese üzlärenä törle kisätülär yasalğanı turında belderä.Yañaular islamçı suğışçan törkemnärdän dä şulayuq xatın qıznıñ äfgan cämğiätendä rol aluına qarşı buluçı ğadi keşelärdän dä kilä.Qayber xatın qız namzätlär kampaniä öçen aqça da resurslar da yuq dip zarlana.Bu atna başlarında Äfganstannıñ xatın qız mäsäläläre ministırı xakimiätlärne xatın qız namzätlärne yaqlarğa çaqırdı.

Yaña parlamentta Könçığış Äfganstannıñ Logar töbägen wäkillek itü öçen kampaniä alıp barğan Nurzai Çarxi Radiobıznıñ Äfgan bülegenä üzen kisätep şaltıratuları turında söylägän.

Çarxi(audio)

Asef Palang-Taliban waqıtnda Mulla Palang dip yöretelgän zat miña şaltıratıp sin amerikannnarnıñ quştanı,oyalmisenme?Ägär dä Çarxi awılına kilsän tormışınnı qurqınıç astında qaldıraçaqsın,bez sinen maşina astına mina urnaştıraçaqbız dip äytte

Başqa xatın qız deputat namzätlärenä qarata da yanaular buluı xabär itelä. Kunduzda xatın qız kandidat qıynalğan, Logarda başqa ber xatın qız namzätneñ öye yandırılğan.50 xatın qız namzätleklären kire alğan. 18.sinteber saylawları öçen terkälgän 3meñ kandidatnıñ 300 xatın qız. Äfgan saylaw qanunnarı Wolesi Jirga yäğni parlamenttağı 249urınnın in kimendä 68 xatın qızlarğa ayrılırğa tieş dip taläp itä. Şulayuq 18.sintäberdä ütäçäk cirle idarälärgä saylawlarğa 250 çaması xatın qız namzät terkälgän.Yañaular,iminlek kenä xatın qız kandidatlar aldında torğan problema tügel.Konservativ ğädätlär, çikläwlär şulayuq xatın qızlar öçen kirtä bulıp tora.Awıllarda,yıraq urınnarda xalıq arasında kampaniä alıp baru , eşkä yörü tügel ä xatın qızğa öydän çığu da tıyılğan.Küp kenä xatın qız namzätlär saylaw aldı kampaniäsen üz öylärendä alıp bara. Äfgan redaksiäsenä ängämä birgän başqa ber xatın kandidat Gandrieh Yazdanparast

Yazdanparast(audio)

Xatın qızğa barlıq cämäğötçelek urınnarı tıyılğan, misal öçen xatın qızğa körsidän çığış yasau tıyılğan ä ir atnıñ andıy privilegiese bar

Parlament saylawlarında xatın qız namzätlärneñ xälen qarap barğan Malalai Şinwari bäysez xatın qız kandidatlar qurqınıç astında häm alarnıñ resursları yuq , konservativ äfgan cämğiätendä xatın qızğa tawış birdermäs öçen islamnı qullanuçılar da bar

Şinwari(audio)

Xatın qızğa tawış birmä , doğaların qabul bulmas dip äytälär, bu bit xatın qızğa yanau bulıp tora

Atna başında Äfganstannıñ xatın qız mäsäläläre ministırı Mässude Jalal deputat namzätläre iminlek köçläre tarafınnan saqlansın dip prezident häm başqa xakimiätlärgä möräcäğät itkän ide.Äfgan saylaw räsmiläre xatın qızmı ir atmı kisätelsälär şiqäyät komisiäenä möräcäğät itsen dip äytkän ide. Ämma komissiä 10.augustta bezgä andıy şiqäyätlär bulmadı dip beldergän radiobızğa. Xatın qız namzätläre oyışmasınnan Şinwari kisätelgän , yanau belderelgän xatın qızlar saylaw räsmiläre belän elemtägä kerergä telämi, çönki alar kisätelülären isbatlı almilär dip äytte. Qıyınlıqlarğa qaramastan küp kenä xatın qız namzätlär tırışlıqların däwam itergä qararlı. Xoquq yaqlaw aktivistları xatın qıznıñ säyäsi protesessqa qatnaşuın garantiläw öçen Äfganstanda iminlek arttırılırğa , qorallı törkemnär taratılırğa tieş digän qaraşta färidä xämit
XS
SM
MD
LG