"Qazan" xalıqara at sportı kompleksın açu Tatarstan başqalasınıñ meñyıllığın bäyräm itüdä iñ töp çaralarnıñ berse bulıp tora. 27 avgust könne anda Rusiä prezidentı prizına çabışlar uzaçaq. At çabışları uzaçaq bu sport kompleksında abzarlar barısı da ağaçtan eşlängän, VIP-abzarlarda xättä atlarnı qoyındıru öçen maxsus basseynnar da bar. Älege kompleksnı tözü öçen 1,8 milliard sum aqça totılğan. Häm ul iske aeroport cirendä 89 gektar mäydanın alıp tora . Härberse 40 urınğa isäplängän 12 at abzarına şuşı könnärdä berençe atlar da kilä başladı. Barlığı älege abzarlarğa 480 çabışqı sıya alaçaq.
