Accessibility links

шимбә, 3 декабрь 2016, Казан вакыты 22:56

Ğiraq konstitutsiäsen äzerläw körçekkä terälde


Bağdad -- Ğiraqnıñ yaña konstitutsiä ölgesen tapşıruğa 3 kön qalğanda, anı äzerlägän komitet äğzaları arasındağı qarşılıqlar arqasında bu eş körçekkä terälde. Komitettağı sönnilär şiğilärneñ avtonom töbäk tözü niätenä qarşı çığa. Sönnilärneñ berse, Kamal Xämdün bu - ilneñ bülenüenä kiteräçäk, dide. Tağın berse, Sälix Äl-Motlaq - mondıy üzgäreşlärgä inde waqıt qalmadı, dide. Tağın ber bäxäsle mäsälä – konstitutsiädä İslamğa nindi urın birü mäsäläse. Prezident Calal Talabani'nıñ süzçese Kamran Karadaği säyläşülär däwam itäçäk, dide. Üktäber urtalarında Konstitutsiäne referendumğa çığaru qaralğan. Ul arada bügen Tiqritta amerikan xärbilärenä bulğan höcüm näticäsendä ber xärbi häläk bulğan.

XS
SM
MD
LG