Aşğabad. Törekmänstan prezidentı Saparmorad Niyazov däwlät qulındağı "Törekmänneft" berläşmäse başlığı Saparmämät Wälievne çit il şirkätennän rişwät aluda ğäyepläp anı urınınnan aldı. "Neytral'niy Turkmenistan" basması yazuına qarağanda, Niyazov ul ay sayın iseme äytelmägän ber çit il şirkätennän meñ yarım dollar alıp barğan dip beldergän. Gazeta şulay uq, Wäliev eşendä citdi citeşsezleklär buluda häm üz urının yawız maqsatlarda qullanuda ğäyeplänä dip yaza. Eşennän alınğan türä "Törekmänneft" başına 1997-nçe yılda quyılğan ide.
