Accessibility links

дүшәмбе, 5 декабрь 2016, Казан вакыты 05:32

Grek xökümäte qıbrıs oçqıçı hälakätenä texnik citeşsezlek säbäp bulğan digän fiker belderä


Afina. Grek xökümäte, Afinadan tönyaqta tawğa kilep töşkän yulçı oçqıçı qazasına texnik problema säbäp bulğanğa oşıy dip belderä. Xökümät wäkile Theodoros Roussopoulos süzlärenä qarağanda, tikşerüçelär älegä bar ixtimallarnı da tikşerä, läkin alar, qazağa oçqıçnıñ üzendäge problemalar kitergän dip isäpli. "Helios Airways" hawa şirkäteneñ Qıbrıstağı Larnaka şähärennän Afinağa oçqan, ä annan soñ Pragaga yul totarğa tieş bulğan Boeing 737 oçqıçı qazasında andağı bar 121 keşe dä hälak buldı, şularnıñ 115-e yulçı, 6-sı oçqıçta eşläwçe ide. Alınğan xäbärlärgä qarağanda, çirgä kilep bärelgändä oçqıçtağı pilot xuştan yazğan bulğan, bu uñaydan, oçqıç eçendä hawa tä'minatı saftan çıqqan buluı ixtimal digän farazlar belderelä.

XS
SM
MD
LG