Accessibility links

якшәмбе, 4 декабрь 2016, Казан вакыты 09:05

Kanada qunaqları Qazanğa bäyrämgä kilä


Qazannıñ 1000 yıllığı yaqınlaşqan sayın, bäyrämgä barırğa teläweçlärneñ dä isemlege arta Mäskäwdä. Ägär dä teläk belän genä bäyrämgä elägergä mömkin bulsa, bälki Mäskäwdä yäşäwçe bar tatar keşese dä Qazanğa omtılır ide. Läkin çaqırular çiklängän, şuña küräder, delegatlar isemlegenä kergännär üzen bik bäxetle sizä. Baştaraq Mäskäwdän 18 keşe genä çaqırılğan dip iğlan itsälär dä, bügenge köndä ul isemlektä 40 keşe kergänlege mäğlüm buldı. Nindi genä şartlarda çaqırularına qaramastan, berkem dä bu bäyrämnän baş tartırğa uylamıy. Şunıñ östenä bäyrämçä Qazannı kürergä teläkläre bik zur bulğannar da qaytırğa cıyına. Alarnı maxsus tanıqlama, çaqıru kiräk, şähär urtasına kertmäyäçäklär ikän digän xäbärlär dä totqarlamayaçaq küräseñ. .Mäskäwlelärneñ Qazan bäyrämenä äzerlänüe tabiği xäl. Qazannıñ tuğan könenä bağışlap Mäskäw ictimaği oyışmaları da, Mäskäw xökümäte yıl äylänäsendä törle çaralar ütkärep kilä. Läkin, bügen sezneñ iğtibarğa täqdim iteläçäk äñgämä Mäskäw keşese belän tügel Nuriä xanım Kudyakova Qazannıñ 1000 yıllığın kürer öçen Kanadadan qaytıp kilä. Ul berniçä köngä Mäskäwdä tuğannarında tuqtalğan. Bez Nuriä xanım belän cämiğ mäçetendä oçraştıq. Ul, ber qaytqaç inde Mäskäwneñ dä tatarlar bula torğan barlıq cirlären dä kürep kitärgä uyladım , di. Annan alda ğına tatar mädäni üzägendä bulğan.Nuriä xanım Qıtayda tuğan. Yazmış alarnı Törkiägä, annan soñ Kanadanıñ Monreal' şähärenä iltep urnaştırğan. Cir şarınıñ ber yağınnan ikençe yağına iñlägän tatarnı kürep, böten cir şarı tatarnıqı tügelme soñ digän uy kilä.. Süz başında Nuriä xanım üze belän tanıştırdı. Alar 1957 yılda Qıtaydan Törkiägä küçep kilgännär. Annan soñ inde 1976 yılda Kanadağa kilep urnaşqannar. Nuriä xanımnıñ äytüenä qarağanda Kanadanıñ Monreal' şähärendä alarnıñ üz oyışmaları bar. Alar bäyrämnärdä oçraşalar, yazların Saban tuyları ütkärälär ikän. Tuğan telne balalarıbız belä, läkin inde onıqlarıbızğa da öyrätü awırraq di, Nuriä xanım. Qıtayda yäşägän waqıtta , anıñ balaçağında tatar tele dä, urıs tele dä uqıtılğan. Şuña kürä ul qayçağında rus süzläre qıstırğalap, tatarça bik matur söyli. Ä bit Nuriä Kudyakova Qıtayda tuğan ikençe buın keşese. Çönki anıñ äti-äniläre dä Qıtayda tuğan. Ä inde äbi-babaları äle inqilabqa qädär ük Penza ölkäsennän küçep kitkän bulğannar. Qazanıñ meñ yıllığı öçen maxsus qaytam, sağındım , bäyrämçä Qazannı da, barlıq duslarnı, tuğannarımnı da küräsem kilä, dide Nuriä xanım. Balalarım Qazan tarixı belän qızıqsına. Bälki ingliz telendä şundıy kitaplarnı tabıp bulmasmı digän ömet belän dä qaytam Qazanğa di, Nuriä xanım Kudyakova.

Kanadada yäşäwçe millättäşebez Nuriä xanım Kudyakova belän äñgämäne “Azatlıq” radiosı öçen Mäskäwdän Näzifä Kärimova äzerläde.

XS
SM
MD
LG