Accessibility links

шимбә, 10 декабрь 2016, Казан вакыты 11:53

Häläkätkä oçrağan Helios oçqıçında hawalandıru xatası bulğan


Qıbrıs xökümäte, kiçä Gresiädä häläkätkä oçrağan Helios hawa yulları şirkäteneñ oçqıçında bulğan yulçılar isenmelegen iğlan itte. Gresiä saqlanu ministrlığınıñ tikşerüdän soñğı berençe mäğlümatlärenä qarağanda, yulçılar, oçqıç cimerelep töşkänçe ük tuñıp ülgän. Tikşerüçe Filippos Koutsatis, älegä, häläkät säbäbe – oçqıçta hawa betü, dip farazlana, dide.

121 yulçı arasında 1 alman oçuçı häm 12 Gresiä watandaşınnan qala barısı da Qıbrıs watandaşları bulğan. Küpçelek yulçılarnıñ mäyetläre, şulay uq 2 qara tartma tabılğan, tartmalar Fransiägä cibärelgän, dip xäbär itelä. Gresiä sälämätlek saqlaw ministrı urınbasarı Thanasis Gianno-poulos, mäyetlär Afin yanındağı morgqa kiterelde, dip belderde:

"Biredä tanıp bulğan mäyetlärne tuğannarına kürsätäçäkbez, qalğannarınıñ kem ikänen, DNA tikşerülärennän soñ belerbez" dide sälämätlek saqlaw räsmie.

Oçqıç Qıbrıstağı Larnakadan Afin aşa Pragağa yul totqan bulğan. Bügen Larnaka hawa mäydanında Bolğarstan başqalası Sofiägä oçırğa tieşle Helios oçqıçnıñ yulçıları häm oçuçıları yulğa çığudan baş tartqan.

XS
SM
MD
LG