Accessibility links

чәршәмбе, 7 декабрь 2016, Казан вакыты 23:33

Yaponiä IInçe böten dönya suğışınıñ tämamlanuına 60 yıl tulunı bilgeli


Aziä bügen Yaponiäneñ ikençe bötendönya suğışınnan çığuınıñ 60 yıllığın bilgeläde. Tokyoda çığış yasağan Yaponiä premyer-ministrı Junichiro Koizumi, Yaponiäneñ kürşelärenä kitergän "ziyan häm borçılu" öçen ğafu ütende:

Soñğı suğışta bezneñ il başqalarğa, ayırım alğanda Aziädäge kürşelärgä bik küp ziyan kiterde. Min qorbannar, suğış mixnätlären kürgännär, barığız öçen doğa qılam. Bügen, suğış betüneñ 60 yıllığı uñayınnan yasağan belderüdä, xökümät, tağın ber tapqır uzğan suğışnıñ xataların añlap, başqa ber qayçan da suğışqa kermäw kiräklegen, dönyada tınıçlıq häm totrıqlılıq öçen eşläw kiräklegen añladı, dielä".

Bügen meñlägän yapon Yasukuni ğibädätxänäsendäge Şinto häykäle yanına barıp suğışta häläk bulğan 2 million yarım keşene iskä aldı. Koizumi häykäl yanına barmadı, çönki Qıtay häm Könyaq Korea älege urınnı Yaponiäneñ imperial tarixınıñ ber öleşe dip sanap üpkä belderergä mömkin ide, dide Koizumi. Yaponiägä qarşı xäräkätlär barğan Qıtayda bügen Pekindağı Yaponiä ilçelegen polisiä saqladı.

Hong Kongtağı Yapon konsullığı qarşında xalıq cıyılıp, Yaponiä qılğannarı öçen tişençä cawap birmäde, digän şiğärlär qıçqırdı.

XS
SM
MD
LG