Accessibility links

пәнҗешәмбе, 8 декабрь 2016, Казан вакыты 12:55

İzrael Gaza Sızığınnan çigenä başladı


İzrael Gaza sızığınnan çigenä başladı.Armiä 14.augustta 8500 yähüdkä öylären buşatu turındağı dokumentlarnı taratudan berniçä säğät elek, okupatsiä astındağı territoriädäge yähüd utarlarına barlıq kereşlärne blokadaladı.Gaza Sızığında yäşäwşe yähüdlär ixtiari räweştä sişämbe tön urtasına qädär çığıp kitergä tieş ä şunnan soñ alarnı köçläp çığaraçaqlar .Meñnärçä yähüd küçerelügä qarşılıq kürsätäçägen äytä

İzrael armiäse yäkşämbe könne Gaza sızığındağı 21 utarğa kereşne yabıp, öylärne buşatu turında kürsätmälär tarattı. Könbatış Üzändäge 120 yähud utarınnan buşaltılaçaq 4 sendä şunduyuq operatsiä başlatıldı .Fälästinnär 1967nçe yılda okupatsiälängän bu territoriälärneñ üzlärenä qaytarıluın taläp itep kilde.İzrael premyere A.Sharon planına kürä Gaza häm Könbatış Üzändäge utarlada yäşäwçe yähüdlär 17nçe augustqa qädär tınıç räweştä İzrael yağına küçenep kitergä tieş yäki alarnı köçläp küçeräçäklär.Qoralsız iminlek köçläre düşämbedä tañ atuı belän işeklärne qağıp , kitegez dip xalıqnı öndi başladılar. Ämma çärşämedän başlap xärbilär qorallı bulaçaq, şulay da alar üz tormışları qurqınıç astında bulsa ğına qoralların qullanaçaq. İzraelneñ Gazağa berdänber kereş punktı Kissufimde Yäkşämbedä general Guy Tzur jurnalistlarğa

Tzur(audio)

Bez bu kiçne Gaza Sızığına kereşne yababız. Düşämbedä ''tuğannarça qul'' isemle operatsiä başlatabız .Operatsiä Gaza sızığındağı tuğannarıbıznı küçerü mäqsatın quya

Gaza Sızığında yäşäwçe yähüdlärneñ yözlärçäse İzrael xökümäteneñ birgän kompensatsiäne alu öçen qul quyğan. Ämma 5meñ çaması yähüd üz teläge belän çığıp kitmi, qarşılıq kürsätergä äzerlänä. Düşämbedä Yerusalemdä yözlärçä keşe Sharon ofisı aldında protest belderä . Küzätüçelär Gaza Sızığınnan çigenü İzrael tarixındağı bik açı waqıygä dip äytä. Haaretz gazetası çigenüne böten izraellelär öçen matäm köne dip atıy.İzraelneñ Toraq häm tözü ministırı Yitzak Herzog küçenergä mäcbür qalğan yähüdlärgä simpatiä belän qarauın äytte

Herzog(audio)

Bu buın yähüdlär öçen İzareldä in açı kön.Bez İzrael watandaşların öylärennän quıp çığarğan bik bik awır operatsiä alıp barabız,

Yäkşämbedä yözlärçä yähüd Gaza sızığındağı Neveh Dekalimdäge ziraatqa cıyıldı. Andağı 50 qäber sintäberdä İzrael yağına küçereläçäk . Bügen Neveh Dekalimde xalıq utarğa töp kereşne blokadalap , xärbilärneñ öyläregezne buşatığız digän kägazlarnı taratuına kirtä bulırğa tırışsa da soñraq taralğan.Törle urınnarda protest belderüçelär Sharonnı planınnan vazkiçergä çaqıra. Politsiä sişämbe tön urtasına qädär xalıq üz teläge belän çığıp kitergä tieş dip , qatnaşmıy kötä.Annan soñ närsä bulaçaq ,bu küplär öçen borçılu çığanağı . Xalıqnıñ zur öleşe çigenü planın yaqlıy. Sharon İzraelneñ iminlege öçen Gaza Sızığınnan çigenü şart dip beldersä dä, planğa qarşı buluçılar xökümät tevrat-incildä äytelgän yähüd cirlären taşlap kitä digän pozitsiädä tora . İzrael premyereneñ urın basarı S.Peres

Peres(audio)

Bu izrael demokratiäse öçen bik möhim kön.Xökümät häm parlament kisken qararlar qabul itä alğannarın kürsätte.Tawış birü ciñel bulmasa da , qarar döres ide.İkençe yaqtan xalıqnıñ protest üz fikeren belderergä xoququ bar-bu demokratie färidä xämit
XS
SM
MD
LG