“Qazan yılyazması” kitabınıñ 32 kilolıysı başqala bäyrämenä kilgän märtäbäle qunaqlarğa büläk iteläçäk. Ul barlığı 50 danä genä çığarılğan. Monnan tış zur fotoal'bom häm kesägä tığıp yörtä torğan keçkenä kitapçıq bar. Aları ğadi xalıq öçen.
360 bitlek “Qazan yılyazması” kitabına başqalanıñ tarixında bulğan iñ üzençälekle eksponatlar räsemnäre genä kergän. Barlığı 500 eksponat. Alarnıñ barısı da Tatarstannıñ muzeylarında urın alğan.
Oyıştıruçılar fikerençä, alarnıñ iñ qimmätlelären saylap xronologik räweştä kitapqa urnaştıru şaqtıy qatlawlı bulğan. Anıñ öçen barlığı 800дән artıq slayd räsemnäre qaralğan.
Kitap “Морской Петербург” näşriät yortı tarafınnan äzerlängän häm basılğan. Mondıy kitap küptä tügel bilgeläp uzılğan Sankt-Peterburgnıñ 300 yıllığına da çığarılğan bulğan. Bu xaqta Milli muzeynıñ citäkçese urınbasarı Gölçäçäk Näcipova
Sankt-Peterburgta da şundıy kitap çıqqan ide. Anıñ ideyäse şunnan alındı. Ämma bezneñ kitap yaxşıraq. Çönki beznekendä räsemnär genä tügel, ä muzey äyberläre räsemnäre dä şaqtıy.Kitap zäwıq belän eşlängän. Künnän yasalğan tışlıqqa altın belän Qazan tuğrası çigelgän.
Kitapnıñ avtorlar kollektivın Tatarstan Prezidentınıñ säyäsi mäs'älälär buyınça kiñäşçese Rafail Xäkimov citäklägän. Basmanı äzerläwdä fänni xezmätkärlär, muzey, arxiv, kitapxanä citäkçeläre qatnaşqan. Tatarstan Prezidentınıñ däwlät kiñäşçese Timur Akulov, häm başqa citäkçelär anı äzerläwdä yärdäm itkän. Sişämbe könne Milli muzeyda uzğan täqdim itüdä alarnıñ härqaysı qatnaştı. Yaña basmanı qotlarğa TR Mädäniät ministrı urınbasarı Andrey Quz'min, Qazan şähäre başlığı urınbasarı Älfiä Tutayıwa da kilgännär ide. Cıyıluçılarnıñ härqaysı meñyıllıq Qazan tarixı belän tanıştıruda älege kitapnıñ bäyäse bixisap buluın bilgeläp uzdılar. Monnan tış Qazannıñ 1000 yıllıq bäyräme qısalarında äle tağın berniçä yubiley basması dönya küräçäk. Alar arasında äle moña qadär berqayda da basılmağan Şämaillär räseme belän kalendar' da bar.
Landış Xarrasova.
