Accessibility links

сишәмбе, 6 декабрь 2016, Казан вакыты 22:58

Gaza: Yähüdlärneñ çığıp kitüe öçen waqıt tulıp kilä


Gaza Sızığında barlıq ä Könbatış Üzändä qayber utarlardan yähüdlär sişämbe tön urtasına qädär çığıp kitergä tieş,kitmägän oçraqta alarnı köçläp çığaru kötä.İzrael saqlanu ministrı Shaul Mofaz İzraelneñ Gaza Sızığınnan evakuatsiäsen tuqtatırğa tırışuçılarğa qarata kisken çaralar küreläçäk dip yanadı. Wazğiät kierenke bulıp qala.Qarşılıq kürsätü bulaçaq dip kötelä. Utarlarnı buşatu,İzraelneñ 1967nçe yılğı suğışta yawlap alğan urınnardan berençe çigenüe.

Gaza Sızığında törle utarlarda İzrael xärbiläre küçenep kitügä qarşılıq kürsätkän yähüdlärneñ aqırıp baqıru protestların işetergä tieş. Misal öçen bügen Elei Sinai utarında Dana isemle xanım ixtiari räweştä çığıp kitergä cıyınmawın belderde

Dana(audio)

Bez monnan qaya barırğa tieş.Bezneñ närsä eşläwebezne telisez, Uramdamı , sineñ äyendäme yoqlarğa tieş.Älbättä sin miña cawap birä almisın dip aqırıp baqırsa , ikençeläre utarnıñ kereşen blokadalağan.Alar xökümät bezgä xıyanet itte dip xis itäbez dide. İzrael cämğiäten bülgän häm premyerneñ Likud partiäsen taşlap kitülärgä qaramastan

Sharon(audio)

Gazadan beryaqlı çigenü İzraeldä çınbarlıq bulıp tora. Bu İzraelneñ kiläçäge öçen yaxşı. Bez qorbannar sanın kimetäbez. İzrael saqlanu köçläre iminlek diwarınıñ artında yaña urınnarğa urnaşaçaq, bezgä qarşılıq kürsätergä däwam itüçelär saqlanu köçläre aldında qalaçaq.

Sharon monıñ bik qıyın eş buluın tanıy , ämma ul İzrael Gazanı mängälekkkä üz qulında tota almıy Gaza Sızığında ber millionnan artıq fälästinle yäşi , alarnıñ sanı här buında ike märtäbä arta çigenü İzraelneñ iminlege öçen in yaxşı çara dip söyläsä dä ul fälästinnärne kisätte,

Sharon(audio)

Dönya fälästinnärneñ cawabın kötä.Qul tınıçlıqqa yäki terror utına suzıla. Suzılğan qulğa bez zäytün botağı biräbez,ämma bez utqa bik qatı ut belän cawap qaytarabız.

4distä yıl buyı İzraelneñ qatı qağıydäläre belän yäşägän fälästinnär yähüdlärneñ äyberlären cıyıp armiä sağı astında kitülärenä ışanmıy qarap tora.Gazadağı 8500 yähüdneñ 60%kitte dip farazlana . Qalğannar häm alarnı yaqlaw öçen İzrael wä Könbatış Yardan kilgän çigenügä qarşı 5meñlep keşe qaldı anda. Fälästin citäkçese M.Abbas çigenüne tarxi waqıyğä dip atasa da, İzrael Könbatış Yardan da kitergä tieş dide .Fälästin Parlamentınıñ tanılğan äğzası Hanan Ashrawi Gazadan çigenügä artığı belän ähämiät birelüenä saqlıqlı mönäsäbät kürsätep

Ashrawi(audio)

Bu ber adım ğına.Şunlıqtan bez realistik bulmağan euforiägä birelmäskä tieş,.İzraelneñ berençe märtäbä utarların sütep taşlawı iqtibar cälep itüçe bulsa da ul 7meñ keşesen Gazadan çığara ä Könbatış yarda ul 35meñ keşe urnaştıra Yerusalem eçendä häm tiräsendä yähüd bistäläre tözü eşen aktivlaştırdı. İminlek diwarın tözüne tizlätte.Ul Könbatış Yarına quşırğa telägän 6möhim utar törkemendä aktivlıqların arttırdı.

färidä xämit
XS
SM
MD
LG