Seberdä 11 meñgä yaqın qoş-qort yuq itelgän. Qoş kizüeneñ xalıq küpläp yäşägän ilneñ Yevropa öleşenä citü qurqınıçı arta. Sälämätlek saqlaw räsmiläre süzlärenä qarağanda, monı buldırmaw öçen çaralar kürelä. Düşämbe könne, Rusiä xökümäte, H5N1 virusı Çiläbe ölkäsenä cäyelä, dip belderde. Anda bügen tağın ber awıl uratıp alınğan. Keçe Şumakovo awılında 79 tawıq häm 21 ürdäk ülgän. Rusiäneñ baş sanitar tabibı Gennady Oniçenko, qoş-qort kizüeneñ Rusiädän Yaqın Könçığış häm Könyaq Yevropa illärenä taralu ixtimalı bar, dip xäbär itte.
