Accessibility links

җомга, 9 декабрь 2016, Казан вакыты 03:12

Äfğanstanda boralaq häläkätendä 17 NATO ğäskärie häläk buldı


Äfğanstanda NATO citäkçelegendäge xärbi köçläreneñ boralağı häläkätkä oçradı. Boralaqta bulğan 17 ispan xärbie häläk buldı. Radiobıznıñ Äfğanstandağı xäbärçese, tağın ber ispan xärbi boralağı waqıtınnan alda utırğan, dip belderde. Anda cärähätlär aluçılar küp. Häläkätneñ säbäbe – naçar hawa şartları häm mexanik xata bula ala. Bu xaqta Qabuldağı Xalıqara İminlek Köçläreneñ matbuğat wäkile xäbär itte. Ämma İspaniä saqlanu ministrı Jose Bono, höcüm bulu ixtimalı dä tikşerelä, dip belderde. İke häläkät tä Herat şähärennän könyaqqa taba bulğan.

İspaniä saqlanu ministrlığı, häläkättä 12 xärbi häm 5 oçuçı häläk buldı, dip belderde. İke boralaq ta xärbi öyränülärdä qatnaşqan bulğan.

XS
SM
MD
LG