Accessibility links

Кайнар хәбәр

Milli Bolşevik Partiäsen tıymadılar


Rusiäneñ yuğarı mäxkämäse Milli Bolşevik Partiäsen tıyu qararın ğämäldän çığardı.

Yün ayında Mäskäw mäxkämäse firqane taratu qararın çığarğan ide. Aña terkäwdä xärämläşülär häm ekstremist eşçänlekkä qatnaşı buluda ğäyepläw belderelde. Firqa räise Eduard Limonov bügenge qararnı xuplap qarşı aldı:

"Minemçä Yuğarı Mäxkämä ğädel häm obyektiv qarar qabul itep üz wazifasın ütäde. Alar bezneñ, başqa törle fiker yörtüçe oyışmanıñ ğämäldä bulırğa xoquqı buluın rasladı. Olı, ziyalı däräcäle keşelär xoquqi qarar qabul itte," dide Limonov.

Firqa äğzaläre uram cıyınnarı häm tamaşalar belän üzlärenä zur iğtibar cälep itte. 39 "limonçı" östennän dikaber ayında xökümät binasın yawlap aluda ğäyepläw nigezendä xökem eşe bara.

Firqa citäkçelege süzlärenä qarağanda, Milli Bolşevik Partiäseneñ Rusiäneñ 57 töbägendä barlığı 17 meñgä yaqın äğzase bar.
XS
SM
MD
LG