Accessibility links

Кайнар хәбәр

Ruşan Şämsetdinovnıñ “Qazan xannarı” kürgäzmäse Qayum Nasıyri muzeуında açıldı


Qazannıñ 1000 yıllıq bäyrämenä kilgän qunaqlarnı Yılğa portınnan şähärgä kütärelgändä Parij kommunasınıñ 35 yortı Nariman uramı çatında urnaşqan Qayum Nasıyri muzey binası qarşı alaçaq. Anda 16 avgustta Ruşan Şämsetdinovnıñ “Qazan xannarı” dip atalğan kürgäzmäse açıldı.

Ruşan Şämsetdinov Tatarstan kitap näşriätında küp yıllar buyı kitaplar bizäwçe , möxärrir, häm grafik rässam bularaq tanılğan şäxes. Älege rässam bizägän “İdegäy dastanı”, Qol Şärif, Qol Ğalineñ “Yosıf”wä Zöläyxa” kitapları tatar xalqı tarafınnan yaratıp qabul itelgännär. Ul 20 dän artıq zur kürgäzmälärdä qatnaşqan rässam.

Qayum Nasıyri muzeyında Ruşan Şämsetdinovnıñ Qazan xanlığınıñ Oluğ Mäxämmäd xannan alıp Yadkär xanğa qädär täxettä torğan xannar räsemnäre urın alğan. Ruşan Şämsetdinov bu kürgäzmädäge räsemnär turında menä närsälär äytte. “Qazan xannarınıñ räsemnäre , rus yazuçısı Mixail Xudyakovnıñ “Oçerki po istorii Qazani”, mäğrifätçe, tarixçı, din belgeçe Riza Fäxretdinovnıñ äsärläre buyınça , häm Rawil Ämirxannıñ kiñäşlärenä nigezlänep yazıldı bu räsemnär ”, - dide Tatarstannıñ atqazanğan sänğät eşleklese, Qol Ğäli isemendäge Xalıqara premiä lawreatı Ruşan Şämsetdinov.

Bu kürgäzmädä bina bik keçkenä bulu säbäple, Qazan xanlığı tarixında täxettä utırğan 16 xannıñ barısı da sıymağan. Ä kürgäzmädä Nursoltan, Söyembikä kebek Qazan xanbikäläre häm Möxämmät-Ämin , Safa Gäräy, Säxibgäräy, Ütämeş xan, Säxibgäräy kebek xannarnıñ räsemnäre bar . Qazan şähären Yawız İvanğa alırğa yärdäm itkän Şah Ali xanı da Ruşan Şämsetdinovnıñ kartinalar galereyäsendä urın alğan . Qazan Kremle surätläre dä bar monda.

Muzeyğa “Qazan xannarı” kürgäzmäsenä kilgän Tatarstannıñ Tuqay büläge lawreatı Ayrat Arslanov ta kilgän ide .

Ruşan Şämsetdinov bu kürgäzmä turında menä närsä äytte. Ayrat Arslanov tänqitkä bağışlanğan Ğ.Tuqaynıñ ber äsären uqıp ütte.Xäzer anı tıñlap qarıyq.

Qazannıñ 1000 yıllığına bağışlanğan bu kürgäzmäneñ Qayum Nasıri muzeyenda urnaşuı oçraqlı ğına tügel. Berdän muzey Qazannıñ tarixi tıyulığı bulğan İske tatar bistäsendä urnaşqan, ikençedän, Qayum Nasıri muzyee xezmätkärläre alıp barğan ezlänülär buyınça, kürgäzmä avtorı Ruşan Şämsetdinov üze dä Qayum Nasıri näselennän buluı turında muzey citäkçese Rauşaniä Xösnetdinova belderde.

Kürgäzmä bik qızıqlı bulsa da , anıñ açılışında mäğlümat çaralarında yaqtırtır öçen Tatarstan radiosınnan kilgännär ide. “Efir” häm “Yaña ğasır ” Televideniesennän , “Qazan” jurnalınnan kilgännär ide. Şulay uq bu çarada

Ruşan Şämsetdinovnıñ yaqın tuğannarı da qatnaştı.

Mälikä Basır Qazan.

XS
SM
MD
LG