Accessibility links

сишәмбе, 6 декабрь 2016, Казан вакыты 15:16

Ariel Şaron Gazadan çigenüneñ ğäyeben üz östenä aldı


Izrael premyer-ministrı Ariel Şaron jurnalistlar belän oçraştı. Uzğan töndä İzraelneñ Gazadan ixtiyari çigenü waqıtı tämamlandı, Gaza sızığına iminlek köçläre kerep, kitügä qarşı bulğannarnı çığara başladı. Jurnalistlar aldına çıqqan Şaron, böten açunı iminlek köçlärenä tügel, ä aña, üzenä yünälderergä çaqırdı:

"Här keşegä möräcäğät itäsem kilä, iminlek köçlärendäge xatın-qız häm irlärgä, polisiä wäkillärenä timägez, alarnı ğäyeplämägez. Mine ğäyeplägez. Barısı öçen dä min cawaplı, ğäyep mindä, xörbilär häm polisiägä timägez," dide Şaron.

Meñlägän keşe Gazadan çigenügä qarşı protest çaraları uzdıra. Polisiä binası yanında protest yözennän üz üzen yaqqan xatın-qız qatı cärähätlär aldı.

Şaron, Gazadağı 21 häm Könbatış Yardağı 4 utardan yähüdlärneñ kitüe – İzrael iminlege öçen kiräk, dip belderde.

XS
SM
MD
LG