Accessibility links

шимбә, 10 декабрь 2016, Казан вакыты 15:56

Bağdadta şartlawlarda 40tan artıq keşe häläk buldı


Ğiraq başqalasında 3 maşinağa quyılğan bombalar şartlap, 40tan artıq keşe hälak buldı. Eçke eşlär ministrlığı xäbär itüençä, ülgännärneñ sanı kimendä 43, 76 keşe yaralanğan. Bu sannar tağın üsergä mömkin.

İke şartlaw avtobus tuqtalışında buldı, öçençese – soñıraq berençe şartlawlarda cärähätlär alğannarnı kitergän xastaxanä yanında.

İke şartlawnı üz küze belän kürgän Ahmed Cabur menä närsälär söyläde:

"Garajda şartlaw işetep bez Kut, Basra häm Amarağa taba kitüçe avtobuslarğa yögerdek. cärähät alğannarğa yärdäm itkändä, polisiä maşinaları yanında yaña şartlaw buldı."

Ğiraq televideniäse xäbär itüençä, 4 keşe qulğa alınğan.

Tönyaqtağı Kirkuk şähäre yanında Ğiraq xärbiläre utırğan maşinağa ğısyançılar ut açtı. 6 ğaskäri häläk bulğan.

Bügen Ğiraqta keşe üterüdä ğäyeplänep 3 keşe ülem cäzasına xökem itelde. Prezident Cäläl Talabani ülem cäzasına qarşı, ul dokumentqa qul quymadı, läkin bu wazifanı urınbasarına ütergä röxsät birde. Ülem cäzasın ğämälgä aşıru öçen xökümät, prezident häm ike vise-prezidentnıñ imzası kiräk.

XS
SM
MD
LG