Serbiädä Madrid terrorında şiklänelgän keşe qulğa alındı

İspaniä eçke eşlär ministrlığı xäbär itüençä, Serbiä polisiäse uzğan yıl Madrid şartlawları belän bäyle ezlängän keşene qulğa alğan. Terror ğämälenä qatnaşı buluda şiklänelgän, çığışı belän Morokkodan bulğan 22 yäşlek Äbdelmäcid Buçar, şartlawlardan soñ 3 atna uzğaç, polisiä anıñ Madridtağı öyenä kiler aldınnan ğına fatirınnan çığıp kitkän bulğan. Şul uq yortta, terrorğa qatnaşı buluda şiklänelgännär polisiä kilgänçe üz üzlären şartlatqan ide. Buçarğa xalıqara ezläw iğlan itelgän bulğan. Ul üze Belgradta başqa isem häm Ğiraq pasportı belän yäşägän. Buçar Serbiädä röxsätsez yäşägäne öçen qulğa alınğan. İspaniä anı üzenä tapşırunı sorıyaçaq.

2004nçe yılnıñ 11 martında Madrid timer yulında bulğan şartlawlarda 191 keşe häläk buldı, meñ yarımnan artığı yaralandı.