Accessibility links

җомга, 9 декабрь 2016, Казан вакыты 14:34

M.Şäymiev: Tatarstanda yuğarı däräcädäge meditsina yärdäme kürsäteläçäk


Çärşämbe könne Qazannıñ Töbäkаra klinik diagnostika üzägendä yaña däwalaw bülege açıldı. Ul gemodializ yäğni keşe qanın böyerdän tış çistartu ısulın qullanuçı üzäk. Älege üzäkne buldıru turındağı kileşü Tatarstan Xökümäte belän Niderlandınıñ “Yevromedik İnterneşnl” kompaniäse arasında un ay elek tözelgän ide. Älege proyektnıñ bäyäse 4 million dollar. Dürt ay eçendä “Yevromedik” kompaniäse 147 million sumlıq tözekländerü, zamança cihazlandıru eşlären başqarıp çıqtı. Üzäk yılğa 30 meñnän artıq keşegä yärdäm kürsätäçäk. Ber seansnıñ bäyäse yaqınça 90 yevro. Kileşü buyınça barlıq çığımnarnı Tatarstan Xökümäte kütäräçäk.
Gemodializ yäğni yasalma böyer ısulın qullanuçı üzäkne açu tantanasında respublika prezidentı M.Şäymiev, respublikanıñ sälämätlek saqlaw ministrı Qamıl Zıyätdinov, Üzäk häm Könçığış Aurupada sälämätlek saqlaw ölkäsendä iñ ere investorlarınıñ berse bulğan “Yevromedik İnterneşnl” kompaniäse general' direktorı Djozef Priel, tanılğan kardioxirurg Rinat Aqçurin qatnaştı.
Gemodializ ısulı keşe qanın böyerdän tış çistartunıñ iñ uñışlı ısulı bulıp sanala. Ul törle awırular näticäsendä böyerläre eşläwdän tuqtağan keşelärneñ ğömeren saqlap qalırğa mömkinlek birä. Bügenge köndä Tatarstanda 400 keşe xronik böyer awırularınnan integä. Xäzerge waqıtta respublikada un gemodializ bülege eşli. Ämma alar barlıq awırularğa da yärdäm kürsätä almıy. Çärşämbe könne Qazannıñ Töbäkаra klinik diagnostika üzägendä açılğan yaña gemodializ üzäge isä däwalanuda moxtac bulğan barlıq böyer awırulı keşelärgä dä yärdäm kürsätä alaçaq, dip belderde prezident.
Gemodializ üzägennän tış çärşämbe könne M.Şäymiev şuşı yıl axırında açılaçaq xirurgiä bülegendä dä buldı. Yöräkkä qatlawlı operatsiälär yasayaçaq bu bülek şulay uq Qazannıñ Töbäкаra klinik diagnostika üzägendä urnaşqan. Bügenge köndä Tatarstanda yöräkkä yılına nibarı 90 operatsiä yasala. Şuşı yılnıñ axırında açılaçaq xirurgiä bülege inde respublikada yöräk-qan tamırları awıruların däwalawda moxtaclıqnı tulısınça qänäğätländeräçäk.
Al'bina Zäynulla

XS
SM
MD
LG