Accessibility links

шимбә, 10 декабрь 2016, Казан вакыты 13:48

Putin belän Räximov arasında bulğan oçraşu iğtibar üzägendä qala


Başqortstannıñ mäğlümat çaraları anda töp süz 2007nçe yılda uzaçaq Başqortstannıñ Rusiägä quşıluğa 450 yıl tulunı bäyräm itü turında süz bardı dip xäbär itä. Bäyrämgä qädär planğa yaraşlı 20 yaña bina açılırğa häm tözekländerelergä tieş. Bäyräm qısalarında 40 zur mädäni çara ütkärü dä küzallana. Bolar barısı da zur çığımnar sorıy. İnternetnıñ “Ufaweb” säxifäse monı “Başqortstannıñ Rusiägä üz teläge belän quşıluı öçen Räximovnıñ Putinnan aqça sorawı”, dip bäyäli. Xalıq arasında taralğan imeş-mimeşlärdä oçraşuda süz Başqortstan neft şirkätläre yazmışı xaqında baruı äytelä. Alarğa qarağanda, Putin uzğan atna “Sistem” qompaniäseneñ respublik neft şirkätläreneñ qıymmätle qäğäzlären aluğa mönäsäbäten kürsätkän. Ul xäbärlärdä il Prezidentınıñ “Sistem” ğa tügel, ä “Rosneft”kä östenlek birü yaqlı buluı farazlana. “Arğumentı i faqtı” gäzite “Sistem” qorporatsiäse citäkçeseneñ qızı Tätyäna häm ulı Feliks Yıvtuşenqovlarnıñ Tatarstan Prezidentı ulı Radik Şäymiev belän dus buluın xäbär itä. Aña qarağanda, “Sistem” alğan Başqortstan neft şirkätläre qıymmätle qäğäzläreneñ ber öleşe Tatarstanğa elägüe ixtimal. Ul mäqälä “Başqort nefte tatarnıqına äylänäçäkme?” dip atala.

XS
SM
MD
LG