Accessibility links

якшәмбе, 4 декабрь 2016, Казан вакыты 05:06

Rusiä belän Qıtay bergäläp xärbi künegü ütkärä


Qıtay belän Rusiä 18 awgustta Vladivostokta berençe märtäbä xärbi künegü başlatıp cibärde. 8könlek künegügä hava, ciröste häm dingez xärbi köçläre qatnaşa. Künegü başlıça Qıtaynıñ tönyaq-könçığış yarlarında ütäçäk. Här ike il, künegü öçençe ilne küzdä totmıy, dip Quşma Ştatları ışandırırğa tırışa. Belgeçlär fikrençä, künegü xärbigä qarağanda kübräk säwdä maqsatların quya.

Rusiä häm Qıtay xärbi komandirları künegülär başlauı uñayınnan atnakiçtä Vladivostokta 2.Böten Dönya Suğışı istälegenä salınğan xäykälgä çäçäk bäyläme quydı.''tınıçlıq missiäse 2005''dip atalğan künegüdä , etnik tınıçsızlıq barğan 3.ildä xärbilär tärtib urnaştıra. Künegü başlıça Sarı Dingezdä häm Qıtaynıñ Shandong yarım utrauında baraçaq.Künegügä qatnaşqan 10meñ xärbineñ zur öleşe qıtay,anda ayruça 140 korab, su astı köymäse, Russiäneñ TU-22M yıraq arağa oçqan bombalauçılar häm TU-95 strategik bombalauçı oçqıçlar qatnaşa.Valdivostokta ütkän press konferensiädä Qıtay armiäseneñ general ştab başlığı general Liang Guanglie künegü ike ilneñ qorallı köçlären terror häm ekstremizmğa qarşı köräştä säläten arttıru mäqsatın quya dide. Anıñ Rusiäle kollegası general-polkovnik Yuri Baluyevski künegü här ike ilgä dä töbäktä totrıqlılıqnı saqlauğa yardäm itäçäk dide general tağı künegü Qıtay belän Rusiä arasında arta barğan bäyleneşlärne az sızıqlıy dide

Baluyevski(audio)

Qıtay Xalıq Respublikası belän täräqqi

itkän mönäsäbätlärebezdä tışqı säyäsät, armiä häm xalıqlarıbz arasındağı elemtälär töp urında tora

General ayruça künegülär 3.ilne qurqutu mäqsatın quymıy dip äytte.Här ike il dä künegü Rusiä-Qıtay xärbi berlegen buldıru mäqsatın quymıy dip AQŞnı tınıçlandırırğa tırıştı. Amerika ike il elemtäläreneñ köçlänüenä şik belän qarıy.Mäskäw belän Peking AQŞnıñ global mäsälälärdä östenlek itüenä qarşılıq kürsätü öçen strategik partnörlıq buldırdıq dip äytä.Rusiä belän Qıtay AQŞnıñ Üzäk Aziädä toruın da küzdä kiçermäkçelär, alar ällä ni totrıqlı bulmağan töbäktä üz täsirlären nığıtu yağın qarıy.Künegüne Shanghai Xezmättäşlek Törkemenä äğza illär yäğni Qıtay ,Rusiäne küzdä totmağanda, Üzäk Aziäneñ 4 ile qarap baraçaq. Küzätüçelärneñ buluı , künegü Quşma Ştatlarına töbäktän yıraqta tor digän kündermä bulıp tora kebek spekulativ fikerlärne arttırdı .Xärbi künegü Amerikada , Peking başqa illär qatnaşıp ölgergänçe bälkim dä Taiwanğa kötelmägändä höcümgä äzerlänä digän borçıluğa da sebep buldı . Utrau bäysezlegen iğlan itkän xäldä Qıtay aña höcüm itäöçägen belderep quydı. Mäskäwdä urnaşqan Saqlanu Mäğlümäte Üzäge direktorı İ.Safranchuk bolay dip añlata:

İvan Safranchuk (audio)

Säyäsi küzlektän qarağanda min künegü AQŞ yäki könbatışqa qarşı dip äytmäs idem.Ämma Rusiä häm Qıtaynıñ yaqın partnärlar bula aluın kürsätä.

Belgeçlär dä künegüneñ xärbi mäqsatların kire qağa.Küplär bu Rusiä öçen üzeneñ xärbi kiräk yaraqların Qıtayğa kürsätü forsatı dip äytä. Bilgele bulğança Qıtay Rusiädän in küp qoral satıp alğan il.Safranchuk bu fikergä quşıla.

Safranchuk(audio)

Qıtay yağı öçen bu künegü Rusiädän satıp alğan xärbi texnologiäne qullanuda täcribä qazanu bulsa, Rusiä öçen künegülär Qıtay satıp alğan häm üzeneñ kiläçäktä satarğa telegän cihazlarnıñ sälät sıyfatın kürsätü

Peking bigräk tä Mäskäwneñ älegäçä satunı kire qaqqan xärbi cihaz häm texnologiä belän qızıqsına. Belgeçlär künegüdä Rusiäneñ strategik häm ozın arağa oçqan bombalauçı oçqıçlarnı qullanuı oçraqlı xäl tügel di.Farazalarğa qarağanda, Mäskäw 2000.yıldan başlap Qıtayğa yılına 2milliard dollarlıq qoral,oçqıç, su astı köymäläre satqan färidä xämit
XS
SM
MD
LG