Accessibility links

шимбә, 10 декабрь 2016, Казан вакыты 06:02

İkmäk cıyumı, meñellıqqa äzerlänüme?


Tatarstanda ike törle uraq bik qızu bara. İkmäk cıyu kompaniäse awıl cirendä yartı yulnı ütte. Premyer-ministr Röstäm Minnexanov berniçä rayonnı yörep çıqqanın soñ, şuşı atnanıñ comğa könendä, 19 avgustta, yartı uñış tämamlanırğa tieş dip äytte. Xäzerge köndä här gektardan 27 sentner uñış cıyıla. Bu Rusiä külämendä şaqtıy yuğarı kürsätkeç sanala. İkençe kompaniä – Qazannıñ meñellığına äzerlek – tağın da qızuraq bara. Öç kön däwamında comğa könnän başlap Qazan xalqı ömägä çığıp, şähärne tärtipkä kiterergä tieş. Tözelep betmägän obyektlar küp bulsa da, alar bäyräm könnärendä tuqtalıp torırğa tieş. İminlek çaraların kürü tağın da kiñräk qolaç ala. 20 avgusttan 5 sentäbergä qädär qurqınıç yök taşuçı avtomobil'lärneñ yörüe barı tik tönlä kenä röxsät iteläçäk. Çit töbäklärdän kilgän avtomobil'lär şähär çitendä maxsus oyıştırılğan tuqtalışlarda qaldırılaçaq. Transport xäräkäten kön sayın belep torır öçen avtoinspeksiäneñ internet säxifäse belän tanışıp toru kiräk. Anıñ adresı www.rpolice.ru
Axırda mädäniät xäbärläre. 18 avgustta Qamal teatrında Salawat konsertları tämamlandı. Bu teatr 25 avgusttan başlap Qazannıñ meñellığı uñayınnan spektakl'lär kürsätä başlıy. 20 avgustta, şimbä könne, kamallılar oyıştırğan ber çara - Qızıl bayraq awılında Salix Säydäş häm tatar muzıkasına bağışlanğan zur bäyräm ütkärelä. Şul uq könne dramaturg häm deputat Tufan Miñnullinğa 70 yäş tula.
Al'bina Zäynulla

XS
SM
MD
LG