Accessibility links

чәршәмбе, 7 декабрь 2016, Казан вакыты 23:14

İzrail iminlek köçläre Neve Dekalimda sinagogadağı keşelärne çığara


İzrail iminlek ğaskärläre Gaza Sızığındağı bu iñ zur utardağı sinagoga kompleksınnan xalıqnı köç belän çığara başladı. 3 sinagogadan yäşlärne häm olılarnı qullarınnan, ayaqlarınnan österäp çığardılar, yähüdlär doğa qıldı, cırladı.

Ğibädätxänädä 2 meñgä yaqın keşe bar dip farazlana. Tışqı eşlär ministrlığınıñ matbuğat wäkile Gideon Meir, bolar barısı da İzrail, fälestinär häm xalıqara cämäğätçelek tınıçlığı öçen eşlänä, dip belderde:

"Bügen yähüdlärneñ torğan cirlärennän kitergä mäcbür buluın borçılıp küzätäbez. Bu – fälestinnär tınıçlığı öçen tülängän xaq. İzrail bu tarixi adımnı, fälestinnär, İzrail häm böten dönya tınıçlığı öçen yasıy," dide Meir.

İzrael premyer-ministrı Ariel Şaronnıñ yaqın kiñäşçese Raanan Gissin, yähüdlärne Gaza sızığınnan çığaru planlaştırğannan alda, sişämbe könne tämamlanaçaq, dip belderde.

Gaza häm Könbatış Yardan 8 meñ yarımğa yaqın keşene çığaru yaqınça 3 atnağa suzılır dip kötelgän ide. Räsmi mäğlümatlärgä qarağanda, xalıqnıñ yartısınnan artığı Gazadan kitkän.

Bügen Rusiä prezidentı Vladimir Putin häm fälestinnär citäkçese Mahmud Abbas, İzrailneñ Gazadan çigenüe häm Rusiäneñ fälestinnärgä yärdäme turında telefonda söyläşte. Kremlneñ matbuğat xezmäte xäbär itüençä, prezident Putin, İzrail belän fälestinnär arasında söyläşülärneñ däwam itüen xuplağan.

XS
SM
MD
LG