Accessibility links

шимбә, 10 декабрь 2016, Казан вакыты 23:43

Abdulla: Äfğanstanda ğädel häm irekle saylawlar uzdırırğa mömkinlek bar


Australiädä säfärdä bulğan Äfğanstan tışqı eşlär ministrı Abdulla Abdulla, ilneñ zur öleşendä, 18nçe sintäber könne ğädel häm irekle saylawlar uzdırırğa mömkinlek bar, dip belderde. Australiä tışqı eşlär ministrı Alexander Downer, uzğan yılda Äfğanstanda bulğan prezident saylawları, küptän tügel Ğiraqta häm Könçığış Timorda ütkän tawış birü, aldağı saylawlarğa da yaxşı nigez saldı, dide.

Australiä saylawlarda tınıçlıq saqlarğa yärdäm iter öçen Äfğanstanğa 150 xärbien cibäräçägen xäbär itkän ide. Qabulda, AQŞnıñ Äfğanstandağı yaña ilçese Ronald Neumann, iminlekne saqlaw öçen ildä cirle häm xalıqara ğäskärlär citärlek, dip belderde.

Abdulla bügen Australiädä Äfğanstan ilçelegen açuda qatnaştı. Anıñ şulay uq premyer-ministr John Howard, saqlanu häm möhacirlek ministrları belän oçraşuı qaralğan.

XS
SM
MD
LG