Accessibility links

шимбә, 10 декабрь 2016, Казан вакыты 19:35

Omski mäçetendä sport zalı bulaçaq


Bıyıl yaz köne Omski şähär üzidaräsenä citäkçe bulıp Viktor Şreyder kilgännän soñ, şähärdä qayber uñay üzgäreşlär küzätelä başlandı. Küp kenä okruglarda uramnar çistartılıp, yullar yañartılıp, binalar tözekländerelep şähär maturlanıp, yäşärep kitte. Yaña mer üzeneñ iğtibarın xalıqnıñ ruxi xäläten öyränügä dä yünältte. Möselmannarnıñ ixtiacların öyränü, gıybadätxanälärneñ texnik torışı belän tanışu maqsatı belän ul uzğan comğada 19 keşedän torğan delegatsiä belän şähär mäçetlärendä bulıp çıqtı.

Bu Omski merı Viktor Şreyder buldı. Delegatsiä sostavında möselman oyışmalarınıñ koordinatsiä şurası äğzaläre dä bar ide. Küptän tügel oyıştırılğan bu şurada möselman ömmätennän bulğan cirle deputatlar İldus Särvärov, Xabulda Şuşubaev häm Omski mäçetläre imamnarı äğza bulıp toralar, ä räise itep qanunnar çığaru cıyılışı deputatı Rawil Bikbavov saylanğan. Şura äğzaläre mäçetlärne qarap qına yörmädelär, ä alarnı tözekländerü, tözeleş eşlären tizlätü häm yärdäm itü mömkinleklären dä qaradılar. Yaña şähär başlığı saylawlar aldınnan möselmannarğa birgän ber wäğdäsen inde ütäde dä. Şähär çitendäge Port-Arturda mäçet itep tözekländerü öçen ul 2 qatlı toraq yort satıp aluda yärdäm kürsätte. `

Bu koordinatsiä şurası räise Rawil Bikbavov buldı. Seber yağı Diniä näzaräte möftie Zölqarnäy xäzrät Şakircanov älbättä koordinatsiä şurasınnan ällä ni zur yärdäm kötmi. Şulay da anıñ uñay yaqları yuq tügel dip fikerli.

Şunı da äytergä kiräk, Omskinıñ cämiğ mäçete monnan 8 yıl elek açılıp eşli başlağan bulsa da qayber tözeleş eşläre anda bügenge köngäçä dawam itä. Xäzer östämä qorılmalar buldıru buyınça tözeleş eşläre bara. Bu eşlärgä ölkä byudjetınnan bülep birelgän ike mln 800 meñ rubl' aqçanıñ ike mlnğa yaqını bügenge köndä inde üzläşterelgän. Xäzer eş asılda mäçetneñ podval öleşendä bara. Anda zamança cihazlanğan sport zalı tözelä. Teläge bulğan härkem biregä kilep şöğellänä alaçaq, kürşe-tirädä yäşäwçe balalar öçen dä işeklärebez açıq bulaçaq,- di Zölqarnäy xäzrät Şakircanov

Rozaliä Sayganova, Omski.

XS
SM
MD
LG