Accessibility links

сишәмбе, 6 декабрь 2016, Казан вакыты 13:23

Sember yäşlären militsiä ezärleklägän


Barış rayonı Zöyabaş awılına qunaqqa barğan Sember qalasınıñ Wırıpay bistäse mäxälläse yäşläre cirle militsiä tarafınnan ezärlekläwgä duçar bulğannar. Wırıpay mäxälläse yäşläre bıltır da yämle cäy könnärendä anda yalğa barğannar ide. Futbol buyınça bäyge dä andağı yäşlär belän elemtälärne nığıtqan. Ämma bıyıl mondıy aralaşular kemgäder oşamağan, küräseñ. Futbol buyınça ölkä üzäge yäşläre 3 kä 2 belän ciñgännär, läkin qunaqqa barğan Yuri Mar''yev äytüençä, alarnıñ üzlären “militsiä ciñgän”. Yarıştan soñ Zöya yılğası buyında pılaw aşap utırğan qunaqlarnıñ dokumentların tikşerä başlağannar. Döres, alarğa aşawların tämamlarğa häm namaz uqırğa mömkinlek birelgän. Läkin soñnan pasportları üzläre belän bulmağan yegetlärne militsiä uçastogına alıp kitkännär. Ä qalğannarınıñ pasportların. Kemneñ kem ikänen tikşerü tönge 12 säğätkä qädär suzılğan.

Anda qatnaşqan İldar Äxmätev äytüençä, mondıy ğämäl -– cirle militsiäneñ terrorçılıqqa qarşı köräştä artıq uyaulığı ğälämäte. Futbol uyını, pılaw aşaw, duslarça äñgämälär dä terrorçılıqta şik uyata ikän - xällär xarap bulıp çığa. Ällä inde mondıy ğämällärneñ maqsatı - İslam dinenä qarata tiskäre mönäsäbät tudıru, yäşlärne dinnän bizderüme, digän farazlarğa da nigez bar. Läkin, İldar alay uylamıy. Kiresençä, mondıy qılanışlar bezne ışandırdı: ägär bezneñ Xaq Täğälägä yaqınayırğa omtılışıbız kemneder qurqıta ikän, dimäk din doşmannarı bezneñ dinebezdän qurqalar, dimäk, bez döres yulda.

Ayrat İbrahim, Sember

XS
SM
MD
LG