Accessibility links

сишәмбе, 6 декабрь 2016, Казан вакыты 13:21

Qazannıñ 1000 yıllığı - tatar xalqınıñ da meñ yıllıq tarixı


Qazannıñ 1000 yıllığına bağışlap ütkärelgän çaralar arasında 29 avgust tatarlarğa bağışlana. Bu könne Piramida küñel açu, mädäni üzägendä Bötendönya tatar kongressınıñ tantanalı utırışı bulaçaq. Şuşı cıyılışta häm şunnan soñğı bäyräm çaralarında qatnaşu öçen dönyanıñ törle poçmaqlarınnan, ilebezneñ törle töbäklärennän meñnän artıq qunaq kilüe kötelä. Bu tatar xalqı öçen ikelätä zur bäyräm, çönki Qazannıñ 1000 yıllığı tatar xalqınıñ da meñ yıllıq tarixı.
Tatar kongressı başqarma komitetı räise Rinat Zakirov bäyräm könnärdä Qazan qapqasınıñ tatarlar öçen açıq bulın äytte.
“Kilä torğan qunaqlar arasında älegä qädär cıyınnarda qatnaşqan millättäşlärebezdän küpkä ayırmalı bularaq, xakimiät, törle oyıma citäkçeläre, biznes, säwdä, mädäniät oyışmalarınıñ citäkçeläre qatnaşa.
Alar öçen äzerlängän programma bik eçtälekle. Bu programma belän tanışqaç, alar üzlärenä qaytqaç Qazan turında bäynä – bäynä söyeläçäklär. Qazanğa kongress tarafınnan çaqırılğan qunaqlar isemlege inde küptän äzer, bez monda çaqırğan millättäşlärebezne qarşılarğa äzer. Qazanğa moña qädär monıñ xätle millättäşlärebezneñ kilgäne yuq ide. Bu çınnan da zur, olı waqiğa, çönki 67 Rusiä töbägennän, 26 çit illärdän delegatlar kilüe kötelä.
Şuşı könnärdä älege qunaqlar kilä dä başladı. 29 avgustta şulay uq Piramida üzägendä Qazan biü ansambleneñ konsertı bulaçaq, ä kiçen Qazan milli mädäni üzäge qarşında teatral'läşterelgän tamaşa, çit töbäk tatarları artistlarınıñ çığışı bulaçaq. 30 avgustta tatarlar xalıqara at sportı stadionında ütäçäk tantanalarda qatnaşaçaqlar.
Gölnaz Şäyxetdinova

XS
SM
MD
LG