Accessibility links

җомга, 2 декабрь 2016, Казан вакыты 23:03

Ä Qazan çistarıp mataşa


Ä jurnalistlar küzenä Qazannı maturraq itep kürsätü – xäzerge köndä xakimiät quyğan burıçlarnıñ berse. Ser tügel, başqala respublikada iñ pıçraq şähärlärdän sanala. Monda räsmi terkälmägän çüpleklär genä dä adım sayın. Döres, tantanalarğa äzerlek barışında alarnı yuq itärgä tırışalar. Läkin şähär xakimiäte , bu eşkä dä prezident qatğıy taläp itkäç kenä citdilek belän alındı. Bügenge köndä isä yullar tözätü däwam itä. Tözelep betmägän yäisä yañartılıp ölgermägän yortlarğa matur yort räsemnäre töşerelgän pärdälär elenä. Qayber belgeçlär, Qazannıñ maturlığı yuğaldı dilär. Tarixi binalarnıñ kübese yuqqa çıqtı. Yäisä tanımaslıq bulıp üzgärtelde. Häm bu eş meñ yıllıq ütkäç tä däwam itäçäk. Şuşı uq belgeçlär, çit illärdän kilgän turistlarğa qararlıq äyber qalmadı Qazanda dip belderälär. Xäzer şul yaltıratılğan yortlarnıñ tışqı yaqların cıyu, çistartu bara. Monnan tış, Qazan tantanalarına kiläçäk prezidentlar ütä torğan yul buylarında xätta ağaçlar da kiselä ikän. Ul-bu bulmasın, mıştım ğına berär terrorist qaçıp yatmasın ul ağaç artlarında dip yänäse.

XS
SM
MD
LG