Accessibility links

сишәмбе, 6 декабрь 2016, Казан вакыты 06:04

«Tatnet yoldızları- 2005» bäygesenä ğarizalar qabul itü tämamlana


Bu atnada Tatarstan xakimiätläre, «Elektron xökümät» proyektın tormışqa aşıru yünäleşendä eş başlarğa buldı. Bu xaqta real xökümät qararı çıqtı. Ministrlar kabinetı wäkilläre şuşı könnärdä, jurnalistlar belän oçraşıp, «Elektron xökümät» proyektı turında tulıraq mäğlümat birde. Barlıq mäğlümatlarnı elektron ber bazağa küçerü, Tatarstannıñ yıraq rayonnarı häm Qazan arasında zur tizlek belän eşli torğan elemtä urnaştıru eşe inde küptännän bara. «Elektron xökümät», xakimiätlär çığarğan qararlar belän tanıştırıp baraçaq, xalıq belän çinovniklar arasında soraw-cawap almaşu tizlegen bermä-ber arttıraçaq ikän.

Faydalı dokumentlarnı alu – internet aşa baraçaq. Anıñ öçen Tatarstannıñ üzeneñ elektron portalın, xakimiätlär turında internet saytnı buldırırğa telilär. Bu xaqta İnternet.ru saytı xäbär itä. «Tatarstan respublikası portalı» aşa, teläsä kemgä xökümät belän elemtägä kerä alaçaq. Xatlar aşa ğına tügel, ä real waqıtta, on-line da, çinovniklardan kiräkle mäğlümat alu mömkinlegen birergä tieş ul, dip uylanıla. Älegä proyektnıñ qayçan tormışqa aşırılıp betüe häm real eşli başlawı turında xäbär itelmi.

Tatarstan xökümäteneñ internet säxifäse xäzer dä bar. Anıñ adresı www.kabmin.tatar.ru Anda xäzer yuq, törle ministrlıqlarnıñ internet säxifälärenä sıltamalar urnaştırılğan. Elektron poçta aşa gözeregez cibärü mömkinlege bar. Yaña proyekt, monsınnan bayraq, tulıraq bulır dip , ömetlänergä qala.



31 avgustta «Tatnet yoldızları2005» bäygesenä ğarizalarnı qabul itü tämamlana. Bu kön bäygeneñ nigezlämäsendä kürsätelä. 1 sentäberdän alıp, 15nä qädär, ciñügä layıq nämzätlärne saylap alu, sentäberneñ ikençe yartısında ciñüçelärne bilgeläw, ä üktäberdä – büläkäläw bulaçaq, dielä anda. Xäzere waqıtta, bäygedä yarışa torğan saytlarnıñ sanı 67-gä citkän. Anda mäsälän, «Bögelmä awazı» digän gäzitneñ internet säxifäse, äle yaña ğına oyışqan «Bez» xäräkäteneñ räsmi saytı, Qazan kibetläre portalı häm başqa şundıy yaña säxifälär dä bar. Belgänegezçä, saytlar yarışında tatar telendäge häm urıs telendäge saytlar ikegä bülenep qarala. Xäzergä, bäygegä täqdim itelgän 67 saytıñ 20-se tatar telendä häm alar «tuğan tel» nominatsiäsendä yarışa.

Qazannıñ 1000 yıllığı aldınnan, başqalağa kilergä bula, maşinalarnı kertälärme, qayda tuqtalırğa mömkin digän sorawlarnı real tormışta da, internet säxifälärdä dä yış birelä. Yul inspeksiäseneñ internet säxifäsenä bu xaqta belä alasız. Anıñ adresı www.rpolice.ru. Çittän kilüçelärgä maşinaların qayda qaldırırğa, tuqtalışlar urnaşqan urınnarnıñ räsemnäre bar anda.



Bikä Timerova.

XS
SM
MD
LG