Törkiädä esselär däwam itä. Ägäy belän Urta Diñgez yar buylarındağı resortlarnıñ hämmäse diärlek küpçelek çit il turistları belän tuldı. Bıyıl turist sanı yağınnan yaña ber rekordqa ireşäläçäk. Törkiägä iñ küp turist kilgän illär arasında, räsmi bulmağan mäğlümätlärgä kürä, Rusiä belän Germaniä yarışalar. Hawalar, esse, qoyaş özleksez, aş su da tämle. Tabiği resortlarda turistlar küñel açsın dip hämmä närsä uylanılğan sıman. Tik zur hotellär tiräsenä urnaşqan waq kibet iäläre şuşı täräqqiät belän xiç tä qänäğät tügel. Turistlar 5 yoldızlı hotellärgä kilälär, aş-su hämmäse buşlay, alar bazarğa çığıp bezdän ber ni dä satıp almıylar dilär. Törek xalqınıñ küpçelege bäyälär bik yuğarı bulu säbäple şundıy resortlarğa baralmıylar. Äytik Mäskäwdän 300-350 dolarğa ber atna öçen Törkiägä yalğa kilü mömkin bulsa, cirle ber Törek ber kön şundıy uq ber resortta qala alu öçen bu aqçanıñ kimendä yartısın tülärgä tieş.
Bu atnada Törek cämağätçelegeneñ diqqäten cälep itkän temalarnıñ bersen 1999 yılnıñ 17 Awgustında bulıp alğan cir teträwgä altı yıl tulu buldı. Tönge säğat öç tirälärendä bulğan 7.5 Richter ülcäwe köçendäge 45 sekunt dewam itkän cir teträw säbäple Marmara rayonında İzmit, Adapazarı, Gölcük, Yalova, Düzce häm İstanbulda räsmi sannarğa kürä, 18 meñ keşe ülgän, meñlägän keşe cäraxätlängän, 175 meñ keşe toraqsız, kimendä 200 meñ keşe dä eşsez qalğan bulgan. Inde Töreklär şuşı xäläkättän citärdi sabaq aldılarmı digän sorawğa köçle genä yuq dip äytä alabız. Cönki şuşı zilzilädän zıyan kürgän 285 meñ toraqnıñ bik azı ğına tiyeşençä tözekländerelde. Räsmi räweştä alıp barılğan tikşerenülärgä kürä, däwlät qaramağında mäktäp, xastaxanä kebek 52 meñnän artıq bina bar. Şulardan niçäse zilzilä bulsa çıdar dip tikşerlgän häm 80 protsentında citdi problemalar buluwı, bolarnıñ tizlek belän nığıtılırğa tiyeşlege açıqlanğan. Läkin däwlät menä şunıñ öçen tiyeşle budjetnı bilgeli almıy. Tik däwlät kenä tügel, ä ayrım keşelär dä üz can häm malların bik qayğırtmıylar bulsa kiräk. Törkiädä kimendä 15-20 million toraq bardır. Läkin ni barı 2 millon 200 meñ toraq qına yıl sayın straxovkasın tüli. Ä qalğannar can imenleklären dä, mal imenleklären dä Allaga tapşırğannar. Liberal ekonomik sistemada isä, sotsialistik sistemalarda kebek hämmä närsäne däwlättän kötep bulmıy. Inde Töreklär dä monı öyränäçäklär.
Äxtäm İbrahim, Istanbul
Bu atnada Törek cämağätçelegeneñ diqqäten cälep itkän temalarnıñ bersen 1999 yılnıñ 17 Awgustında bulıp alğan cir teträwgä altı yıl tulu buldı. Tönge säğat öç tirälärendä bulğan 7.5 Richter ülcäwe köçendäge 45 sekunt dewam itkän cir teträw säbäple Marmara rayonında İzmit, Adapazarı, Gölcük, Yalova, Düzce häm İstanbulda räsmi sannarğa kürä, 18 meñ keşe ülgän, meñlägän keşe cäraxätlängän, 175 meñ keşe toraqsız, kimendä 200 meñ keşe dä eşsez qalğan bulgan. Inde Töreklär şuşı xäläkättän citärdi sabaq aldılarmı digän sorawğa köçle genä yuq dip äytä alabız. Cönki şuşı zilzilädän zıyan kürgän 285 meñ toraqnıñ bik azı ğına tiyeşençä tözekländerelde. Räsmi räweştä alıp barılğan tikşerenülärgä kürä, däwlät qaramağında mäktäp, xastaxanä kebek 52 meñnän artıq bina bar. Şulardan niçäse zilzilä bulsa çıdar dip tikşerlgän häm 80 protsentında citdi problemalar buluwı, bolarnıñ tizlek belän nığıtılırğa tiyeşlege açıqlanğan. Läkin däwlät menä şunıñ öçen tiyeşle budjetnı bilgeli almıy. Tik däwlät kenä tügel, ä ayrım keşelär dä üz can häm malların bik qayğırtmıylar bulsa kiräk. Törkiädä kimendä 15-20 million toraq bardır. Läkin ni barı 2 millon 200 meñ toraq qına yıl sayın straxovkasın tüli. Ä qalğannar can imenleklären dä, mal imenleklären dä Allaga tapşırğannar. Liberal ekonomik sistemada isä, sotsialistik sistemalarda kebek hämmä närsäne däwlättän kötep bulmıy. Inde Töreklär dä monı öyränäçäklär.
Äxtäm İbrahim, Istanbul