Accessibility links

Кайнар хәбәр

Törkiäneñ “Dialog Awraziä” jurnalı “Tatarstan” quşımtasın çığardı


Qazannıñ meñ yıllığına bağışlap “Dialog Awraziä” jurnalı Awgust sanında 64 bittän torğan “Tatarstan” quşımtasın çığardı. Redkollgiädä Räzil Wäliev, Damir İsxaqov, Fuat Ğalimullin, Räşit Mingazovlarnıñ isemnärenä oçrıybız. Quşımtanıñ yartısı Rusça yartısı Törekçä çıqqan. 1000 yıl quşımtasında qızıqlı ğına mäqalälär bar. Berençese Prezident Mintimer Şäymievneñ "Qazan: küñel açu şähäre" dip atala. Şunan soñ Ayrat Sitdikovnıñ "Arxeologik qatlamnar arasında Qazan"; İskändär İzmayilovnıñ "Kaspinıñ imenlege: Qazan Xanlığı Flotı"; Marat Lötfullinnıñ "Cämğiyäwi täräqqiät mäğarif belän mömkin”; Aydar Abdraxmanov belän Färit Urazayevneñ “Tatarstan: Çit il investorlarınıñ diqqät üzägendä”; Rafael Xakimovnıñ "Tatar ruxı canlana"; Damir İsxakovnıñ "Mäskäw Däwlät Titullarında Qazan Şähäre"; Räfik Möxämätşinneñ "Tatarstanda İslam"; Rezeda Dautovanıñ "Qazan mäçetläre"; Änziä Xannanovanıñ "Kiläçäkkä ışanıç belän qarıybız"; Yevgeniy Lipakovnıñ "Qazanda Xristianlıq"; Damir Ğismetdinovnıñ "Tatar mädäniäte meñ yıldan birle bar"; Damir Şäräfetdinovnıñ "Borınğı häm härdaim yäş sabantuy"; Tatyana Leskovanıñ "Xalıqnıñ prinsessası Daniä"; Miläwşä Aytuğanovanıñ "Yözyılnıñ ekranı – Yaña Yözyıl"; Gölnara Qadırovanıñ "Tatarstandağı ağımdagı moda häm İslamça kiyenü" häm Ravil Fäyzullinnıñ "Qazan Utları berençe sanınan uq yalqınlı yana başladı" isemle mäqaläläre urnaştırılğan.

Matur räsemnär belän bizälgän Dialog Awraziä jurnalınıñ Qazannıñ meñ yıllığına bağışlangan quşımtasınnan Prezident Şäymievneñ süzlärennän ber-ike yul kiterik: “Qazan şähäreneñ iseme Rus däwläteneñ simvollarında da urın aldı. Añarğa tik Qazan soltanı - tsar ğına tügel, Bolğar knäze isemen dä quşqannar. Qazanıñ ikençe iseme Bolğar äl-Cädid. Qazan şläpäse dä patşalıq Rusiäseneñ simvollarınnan bere. Rusiä Prezidentı Putinneñ zur yardäme belän Qazanda bik zur restovratsiä başqardıq. Qol Şärif salındı, Blagoveşen cirkäwenä restovratsiä yasaldı.”

Äxtäm İbrahim, Istanbul
XS
SM
MD
LG