Accessibility links

шимбә, 10 декабрь 2016, Казан вакыты 00:24

Ğiraqnıñ yaña konstitusiäse ölgesendä İslam turında kileşä almıylar


Ğiraqnıñ yaña konstitusiäse turındağı söyläşülär İslam role häm neft baylıqların büleşü mäsälälärendä körçekkä terälde. Säyäsi citäkçelär eşne düşämbe kiçkä qädär beterergä tieş, yuq isä, parlamentnı taratırğa kiräk bulaçaq. Ğiraq prezidentı Cäläl Talabani citäkçelegendäge Kördistan Patriotlar Berlegeneñ yuğarı äğzası Mulla Baxtiyar, İslam role mäsäläsendä söyläşülär äle dä däwam itä, dip belderde.

Küpçelek kördlär yäşägän Kirkuk şähärendä berniçä yöz ğäräp federalizmğa qarşı cıyın uzdırdı.

BMOnıñ Ğiraqtağı wäkile Äşräf al-Qadi, Ğiraq xökümäteneñ, keşe urlaw, üterü häm köçläwdä ğäyeplängän 3 keşegä ülem cäzası birüne xuplawı – qızğnıç, dip belderde. Waqıtlı Ğiraq xökümäte – ülem cäzasın birü tügel, ä yäşäw xoquqın xörmät itergä tieş, dide al-Qadi. May ayında 3 keşene ülemgä xökem itü qararına çärşämbe könne vise-prezident Adel Abdel Mähdi qul quydı. Ülem cäzasına qarşı bulğan prezident Cäläl Talabani bu wazifanı urınbarasına tapşırdı.

XS
SM
MD
LG