Accessibility links

җомга, 9 декабрь 2016, Казан вакыты 20:37

Bäyräm aldınnan iminlek çaraları sınaldı


21 avgust, yäğni yäkşämbe könne Qazan şähäre yubiley uñayınnan, şähärdä respublika xoquq saqlaw orğannarınıñ çirattağı öyränüläre uzdı. Bu künegülärdä näq yubiley waqıtındağı iminlek çaraları sınaldı.

Şul säbäple, şähär üzägendä, waxitov häm İdel buyı rayonnarında avtotransport xäräkäte totqarlandı. Ä İrek mäydanına yaqın kilgän Tolstoy uramınnan başlap, Tuqay mäydanına qädär şähär transportı ğına kertelde. Xosusi maşinalar belän yörüçelärgä bu uramnardan äylänep ütärgä turı kilde.

Üzäktä häm İrek mäydanı yanında eşläwçelärgä maşina belän kerü öçen maxsus dokumentların kürsätergä turı kilde. Ä şähärneñ törle noqtalarında şikle keşelärne xoquq saqlaw orğannarı tuqtatıp, şäxes tanıqlıqların tikşerdelär. Rusiä watandaşlıqları bulğan keşelärne şunda uq cibärelgän, ä çit ildän kilüçelärneñ terkälü ütü, ütmäwlären qarağannar.

Xoquq saqlaw orğannarınıñ şäxesne açıqlaw eşläre härkemgä prinsipial' bulğan. Äytik, şähär başlığı urınbasarı Älfiä Tutayıwanıñ tuqtatıp ike tapqır pasportın sorağannar, ä Prezident apparatı citäkçese Yuri Kamaletdinovnı Kreml'gä barğanda avtomaşinasında şäxese açıqlanğançı totqarlağannar digän xäbärlär dä bar.

Yäğni bu çirattağı terrorizmnan saqlanu çaraları.

Qayber mäğlümatlarğa qarağanda, Qazanda terkälü ütmägän çit il keşelären şähärdän çığarıp cibärgännär. Monı beleşü öçen bez Tatarstannıñ eçke eşlär ministrlığınıñ pasport-vizalarnı terkäw idäräse citäkçese Xalitov İldarğa möräcäğät ittek. Yäkşämbe köne buluğa qaramastan ul üz eş urınında ide häm terkälü mäs’äläsendä bernindi problema yuq dip äytte:“Pasport idäräse üzeneñ eş grafigı buyınça eşli. Härkem üzeneñ pasportı belän yörsä, alarğa bernindi sorawlar bulırğa tieş tügel. Çit illärdän kilüçelärneñ bez härbersen terkibez. Nindi dä bulsa sorawlar tusa 91-23-63телефонына sorawlarığıznı birä alasız.”

İldar äfändeneñ äytkän süzlärenä qarağanda, Bötendönya tatar kongressı çaqıruı buyınça kilgän qunaqlarnı terkäw öçen, bu idärä xezmätkärläre kongress binasına kiläçäk.

Yäkşämbe könne ütkän künegülärdän şunısı açıqlandı, tieşle dokumentları bulğan qazanlılar häm çit il keşeläre şähärdä yöri alaçaq. Ä şäxes tanıqlıqları üzläre belän bulmağan häm terkälü ütmägän qunaqlarnı uramda zur uñaysızlıqlar kötäçäk.

Gölnaz Şäyxetdinova

XS
SM
MD
LG