Accessibility links

якшәмбе, 11 декабрь 2016, Казан вакыты 07:16

Kommunistlar firqäsendä qarşılıqlar däwam itä


20nçe august respublika kommunistları konferensiä uzdırırğa tieş ide. Xäbär itüebezçä, Ufanıñ Kirov rayonı mäxkämäse bu çaranı ütkärü legitim tügel digän qarar çığardı. Ul kommunist Tatyana Sklyarowanıñ çarağa çaqırılmawı turında birgän ğarizäsına yaraşlı şundıy qarar çığardı. Kommunistlarnıñ töbäk bülekçäse räise Rinat Ğäliev çarağa barlıq keşeneñ dä çaqırıluın belderep, Sklyarowanı respublika xaqimite mänfäğätendä eşläwdä ğäyepläde.Prezident xaqimiäteneñ matbuğat üzäge başı Rostislav Morzağulov xaqimiätne ğäyepläw döres bulmawın belderep, kommunistlarnıñ referendum ütkärergä cıyınu waqıyğasın “balalarnıñ qomdağı uyını” dip bäyäläde. Ul şulay uq referendumğa çığarılaçaq Mortaza Räximovqa ışanıç kürsätü-kürsätmäw sorawınıñ legitim bulmawın äytte. Şundıy uq uñışlar belän referendumğa “Marsta tormış barmı?” digän sorawnı da çığarıp bulaçağın belderde. Mäxkämä qararına qaramıy kommunistlar 20nçe august timer yulçılarnıñ mädäniät sarayına cıyıldı. Läkin 220 delegatnıñ 60ı ğına kilü säbäple, ul ğali mäcles bularaq qına ütte. Anda qaralğan töp mäsälä - sintäbr uzaçaq referendumğa äzerlek mäsäläse buldı. Xaqimiätneñ ayaq çalularına qaramastan referendumnı uzdırırğa qarar itelde.

XS
SM
MD
LG