Politsiä bügen Ğiraqnıñ törle urınnarında ğisyançılar höcümnäre näticäsendä kimendä 17 iminlek xezmätkäre üterelde dip belderä.
Tönlä Bağdadnıñ Karada rayonında asılma küper yanındağı tikşerü qapqasında maşinağa quyılğan bomba şartlap 8 politsiä xezmätkären ütergän, 4-ne yaralağan.
Bağdadtan tönyaqta Tarmia şähärendä qorallı keşelär ber aftobusqa ut açıp anı tetkälägän. Aftobustağı 8 politsiä xezmätkäre häm ike sivil keşe hälak bulğan.
Tönyaqtağı Kirkuk şähärendä qorallı keşelär terrorğa qarşı iminlek räsmien häm anıñ xatının ütergän.
Politsiä şulay uq Bağdadnıñ törle urınnarında bilgesez 5 keşeneñ mäyetläre tabıldı dip belderä. Alarnıñ barısın da qulların bäyläp başlarına atıp ütergännär.
AQŞ xärbiläre yäkşämbe könne törle insidentlarda 3 amerikan soldatı ülde dip xäbär itä.
Paqstan tışqı eşlär ministrlığı 13-nçe avgustta Ğiraqta totıq itep alınğan 11 Paqstan tözüçese bügen azat itelde dip belderä.
