Accessibility links

Кайнар хәбәр

İzrail' Gazadağı soñğı yähüd qasabasın buşata


İzrail' soldatları häm politsiäse bügen Gaza Sızığındağı soñğı yähüd qazabası Netzarimnı öydän-öygä yörep yähüdlärdän buşata. İzrail' xärbilären utırtqan aftobuslar Gaza şähärennän könyaqtağı bu keçkenä qazabağa bügen irtän kerde. Älegä xärbilär belän Netzarimda yäşäwçe 600-läp yähüd arasında zur qarşılıqlar buluı turında xäbärlär yuq. İzrail' premyer ministrı Ariel Şaron kiçä evakuatsiä köçläre aldında çığış yasap alarnıñ eşeneñ qıyınlığın tanuı turında äytte. Şul uq waqıtta ul tağın ber märtäbä Gaza Sızığınnan çigenü İzrail'gä fayda kiteräçäk dide. AUDİO: Çınnan da sez bik awır eş başqarasız. Bu anda yäşäwçelär öçen dä sezneñ öçen dä bik qıyın. Ämma İzrail' däwläte öçen möhim.

Gaza Sızığınnan çigenü tämamlanğannan soñ İzrail' köçläre Könbatış Yarda da 4 qasabanı buşatıp fälestinlelärgä birergä cıyına.
XS
SM
MD
LG