Accessibility links

шимбә, 10 декабрь 2016, Казан вакыты 17:49

Xatın-qızlar säxifäse: Tatarstanda yalğız analar häm alarğa kürsätelgän yardäm


Xatın Qızlar säxifäsendä bügen Tatarstanda tulı bulmağan ğailä,kievgä çıqmıy bala tabuçı xatınnar şulayuq alarğa kürsätelgän yardäm turında Ministırlar kabinetı qarşındağı ZAGS (yäğni watandaşlıq xälen terkäw idaräse) başlığı Flura İldarxanova häm Sotsial Yardäm Ministırlığınnan Ence Minxacewa äytkännären işetterer häm şulayuq kievgä çıqmıy bala tapqan xatın-qızlarnıñ ber niçäseneñ fikeren dä sezgä citkeräbez. Rusiädäge demografik problema,yäğni xalıq sanınıñ kimüe turında böten dönya çan qağa. Tatarstan Rusiä qädär yaman bulmasa da , anda da xällär yaxşıdan dip äytep bulmıy.Bez xatın qızlar säxifäsendä berençel urında ana bala mäsäläsenä qarıybız.Mindäge mäğlümätlär ber kemne ğorurlandırırlıq tügel. 2004nçe yıl statistik mäğlümätläre här tuğan balağa 1,2 abort turı kilüen kürsätä. İkençe törle äytkändä 2004nçe yılda Tatarstanda 48,144 abort yasalğan ä tuğan balalar sanı 38.759. Bu 38meñ balanıñ hämmäse normal ata analı ğailädä tua dip äytep bulmıy. Çönki Tatarstanda här ike öyläneşüneñ berse ayrılu belän tämamlana . Yäğni öylänüşüçelärneñ yartısı ayrıla. Şulay bulğaç balalarnıñ bik zur öleşe tulı bulmağan ğailädä tua, yäki tulı bulmağan ğailädä üsä. Tatarstanda eçkeçelek, alkogolizm anıñ sälämätlekkkä kitergän ziannıñ bik zur problema buluı , ber kemgä dä ser tügel. Eçkeçelek alğa taba başqa bik möhim sotsial problemağa da säbäp bulaçaq . Yäş xatın qızlar arasında bügen iserek ir at belän nigä yäşärgä, kievgä çığıp ber ike yıl yäşäp ayrılası urınğa bötenläy kievgä çıqmasqa digän uylar da cäyelä bara. Ämma xatın qızlar kievgä çıqmasalar da balanı bälkim analıq instigtı, bälkim qartlıqta iptäş qarauçı ... nindi genä säbäptän bulmasın tabarğa teli häm taba . Qazandağı kollegam Gölnaz Şeyxeddinova balaların irsez, yalğız üsterüçe analarnıñ fikren beleşte (xanımnarnı Azatlıqnıñ sişämbe tapşıruında işetä alasız) Qazandağı tanış-beleşlär andıy analar sanı Tatarstanda artqannan arta bara dip äytä. Alğa taba tuaçaq problemalar turında älegä ber kem dä söylämi, bälkim dä nindi dä bulsa belgeçlär bu turıda uylana torğandır ,anısın belmim ämma älegä sannar keçkenä şunın öçen qayğı ,borçılu da yuq .Başta ZAGS citäkçese Flura İldarxanovanı tıñlap qarıyq (ängämäne Azatlıqnıñ sişämbe programmasında tıñlıy alasız) Min şuluq soraular belän Sotsial yaqlaw ministırlığında Ence xanım Minxacevağa möräcäğät itep yalğız analarğa yardäm turında belergä telädem.(ängämäne Azatlıqnıñ sişämbe programmasında tıñlıy alasız) İşetkänegezçä älegä bu xatın qızlarğa ayruça yardäm ber qayan da kürenmi. färidä xämit

XS
SM
MD
LG