Accessibility links

дүшәмбе, 5 декабрь 2016, Казан вакыты 17:41

AQŞ xärbi korablarına uñışsız höcüm öçen cawaplılıqnı Ğiraqtağı äl-Qaidä törkeme üz östenä aldı


Ğiraqtağı äl-Qaidä törkeme uzğan atnada İordannıñ Qızıl diñgezdäge Aqaba portında AQŞ xärbi korablarına uñışsız höcüm omtılışı öçen cawaplılıqnı üz östenä aldı. İordanlı Äbü Musab äz-Zärqäwi citäkçelegendäge törkem uzğan comğada raketa höcümen başqaruçılar isän-imin üz bazalarına qayttı dide. AQŞ xärbi korablarına atılğan raketalar hädäflärgä timiçä ber İordan soldatın üterde. Moñarçı bu höcüm öçen cawaplılıqnı äl-Qaidä belän bäyle başqa ber törkem üz östenä alğan ide. Bügenge belderü internetqa çığarıldı. Kiçä İordan tağın 3 keşe belän bergä bu höcümgä bäyle dip şiklänelgän ber Süriä watandaşın qulğa aluın belderde. İordan belderüendä ul 3 şiklänelgän keşe yalğan Ğiraq pasportları belän Ğiraqqa qaçıp kitte dielä. Bu 4 keşe Ğiraqtağı ber törkemgä qarıy dielä.

XS
SM
MD
LG