Accessibility links

дүшәмбе, 5 декабрь 2016, Казан вакыты 15:44

Ğiraq premyer ministrı İbrahim äl-Cäğfäri konstitutsiäne totqarlawçı barlıq mäs'älälär dä diärlek çişelde di


Ğiraq premyer ministrı İbrahim äl-Cäğfäri yaña konstitutsiä ölgesen totqarlawçı barlıq mäs'älälär dä diärlek çişelde dide. Äl-Cäğfäri Bağdadta jurnalistlarğa Ğiraq citäkçeläre konstitutsiädäge 153 matdäneñ 151-e turında kileşte dide. Yaña konstitutsiäne yazuçı komitetnıñ şığıy häm körd äğzaları konstitutsiä ölgesen düşämbe kiç äzerläp beterep parlamentqa tapşırdı. Şulay da sönnilärne bu ölgene qabul itärgä künderü öçen alar tawış birüne 3 köngä kiçekterde. Komitet başlığı Humam Xämmüdi Sönnilärneñ yaña konstitutsiä ölgesenä riza bulırğa künderü öçen 3 kön genä citmiäçäk dide. Xämmüdi Sönnilär kire qaqqan ölgene axır çiktä şul köye parlamentta raslatırğa häm xalıq referendumına çığarırğa turı kilergä mömkin dide. Sönnilär Ğiraqnı federal' däwlät itügä, häm ğäräp däwläte dip tügel, ä İslam däwläte dip atawğa, şulay uq bu dokumentnıñ başqa qayber öleşlärenä qarşı çığa.

XS
SM
MD
LG