Accessibility links

җомга, 9 декабрь 2016, Казан вакыты 18:40

İzrail' Fälestin cirlärennän beryaqlı ayırılunı tämamlawın belderde


İminlek köçläre Könbatış Yarnıñ ike yähüd qasabasında evakuatsiä eşläre ütkärde. Evakuatsiä waqıttınnan küpkä irtäräk tämamlandı. Sanur belän Homeş qasabalarında yäşäwçe yähüdlärneñ küpçelege xärbilärgä nıq qarşılıq kürsätmäde, xärbilär alarnı evakuatsiäläwçe avtobuslarğa taşıdı dielä. Şul uq waqıtta ike qasabada da çigenügä qarşı çığuçı distälärçä yähüd binalar eçendä barrikadalar artına biklängän. İminlek köçläre ul binalarğa bärep kerü öçen awır cihazlar qullanırğa häm andağılarnı köç belän evakuatsiälärgä mäcbür bulğan. Armiäneñ üzäk idaräse başlığı general mayor Yair Naveh jurnalistlarğa bu evakuatsiäläwdä köç qullanu aldan uylanılğannan azraq buldı dide. Sanur belän Homeş Könbatış yarda buşatılıp fälestinlelärgä tapşırılırğa tieşle 4 qasabanıñ soñğı 2-se. Qalğan 2 qasabada yäşäwçelär annan üzläre kitte. Düşämbe könne İzrail' Gaza Sızığındağı 21 yähüd qasabasınıñ soñğısın buşattı. Bügen Fälestin citäkçese Mäxmüt Abbas İzrail' prezidentı Moşe Katsavqa telefon aşa şaltıratıp İzrail'neñ Gaza Sızığınnan häm Könbatış Yarnıñ ber öleşennän çigenüenä xuplawı beldergän. Katsav idaräse belderüendä prezident Katsav Abbasqa bu çigenü İzrail' belän fälestinlelärgä solıx häm tatulıq öçen tarixi mömkinlek birä dip äytte dielä.

XS
SM
MD
LG