Accessibility links

шимбә, 10 декабрь 2016, Казан вакыты 02:10

Qazanda cälilçelärne iskä aldılar


Cälilçelärne iskä aluda başqa bäyräm çaralarındağı kebek ük keşelär küp bulmasa da, Qazannıñ meñyıllığınıñ älege çarağa da täesire bulmıy qalmadı. Ğädättä, Qazan kremle yanında urnaşqan Musa Cälil häykäle yanındağı istälek tantanası cälilçelär üterelgän könne – 25 avgustta uza ide. Bıyıl isä, 25endä başqalağa zur qunaqlar inde kilep citep, kreml’ tiräsenä kerü çiklänelü säbäple, qaharman şağirlärne 24endä iskä alırğa buldılar. Cälil häykäle qarşındağı çarağa Tatarstan parlamentı räise Färit Möxämmätşin, yazuçılar, şağirlär, icadi intelligentsiä wäkilläre häm berniçä distä qazanlı cıyıldı.

Cälilçelärne iskä alu çarası Cälil äsärlären başqarudan başlanıp kitte. Annarı 1944 yılnıñ 25 avgustında Berlinnıñ Plitsenziee törmäse gil’otinasında üterelgän 11 tatar qaharmanı istälegenä xäzerge şağirlär dan cırladı.

Cälilçelärne iskä alu çarası Musa Cälil häykälenä çäçäklär quyu belän tämamlandı. Şul uq könne öylä namazınnan soñ Qol Şärif mäçetendä alar ruxına doğa da qılındı.

Gölnaz İlgizär

XS
SM
MD
LG