Accessibility links

дүшәмбе, 5 декабрь 2016, Казан вакыты 07:40

Yaqın Könçığış: Gaza çigenüennän soñ, tınıçlıq protsesın canlandıru turında söyläşelä


İzrael Gaza Sızığındağı barlıq ä Könbatış Yardağı bilgele utarlardan çigenüne tämamladı. Ğäräb-İzrael mönäsäbätlärendä bik siräk bulğan sülpänlek xökem sörä.Tınıçlıq süze işetelä.Misır prezidentı H.Möbäräk A.Sharonnı tınıçlıq urnaştıraçaq qädär köçle berdänber İzrael citäkçese dip atadı. İzrael-Fälästin mönäsäbätlärendä nindi adım atlanaçaq,progress öçen mömkinçelek barmı?

Dönya televidiniäläre bu könnärdä Gaza Sızığınnan çigenü waqıtında ,qarşılıq kürsätü ütkän tragik säxnälärne kürsätep bardı. Şulay itep İzrael, okupatsiälägän cirne berençe märtäbä fälästinnärgä qaytarğan bula.Ğäskärlär ultra millätçe –qatı qul säyäsäte tarafdarı , tar xärbi qaraşlı şäxes dip taswirlanğan premyer A.Sharon kürsätmälären ütäde . Okupatsiä astındağı territoriädä yäşäwçelär tügel ä Sharon ber millionnan artıq doşmança qaraşlı fälästinle yäşägän ber kisäk territoriäne mängelekkä totıp qalıp bulmawın añladı.Küçenü barğanda premyer soldatlarına bolay dip äytte

Sharon(audio)

Sez bik qıyın eş başqardığız, anda yäşäwçelär öçen qıyın , sezneñ öçen qıyın ämma İzrael däwläte öçen zarur bulğan eşne başqardığız

Gazadan çigenü Sharonnı tınıçlıq buldırırğa sälätle İzrael citäkçese däräcäsenä kütärde Mısır prezidentı H. Möbäräk Sharonnı süzendä torğan keşe dip maqtap,solıx urnaştıra alaçaq berdänber izraelle dip äytte Fälästin citäkçese M.Abbas üzen Sharonnıñ tınıçlıq öçen partnärı itep taswirladı.İke citäkçe tizdän oçraşırğa tieşlär.Xäzerge waqıtta töp sorau mondıy: niçek itep sülpänlek mizgelen solıx etärgeçenä äyländerü.AQŞ prezidentı G.Bush sişämbedä tınıçlıq protsesına qaytırğa çaqırdı

G.Bush(audio)

Min Gazadan çigenü qararın qabul itep, dinamikanı üzgärtkän häm fälästin xalqı öçen ömed tudırğan premyer Sharonnı alqışlıym.Ber könne ike däwlät, ike demokratik däwlät yänäşä tınıçlıqta yäşiyäçäklär dip ömetlänäm.

Ämma här kem Sharon turında uñay fikerdä tügel. Alar Sharon Könbatış Üzäne häm könçığış Yerusalemdä yaña yähüd bistälären tözüne kübräk yaqlayaçaq digän qaraşta.Fälästinnärneñ Birzeit Universitetı profesorı

Hişam Axmäd(audio)

Tınıçlıq öçen mömkinçelek Sharonnıñ üze tarafınnan yuqqa çığarılmas dip ömedlänäm.Ägär dä ul Könbatış Üzäne häm Yerusalemdä kübräk yähüd bistäläre tözderä başlasa bu üz planınnı cimerü bulır ide. Gazadan çigenüdän sonğı psixologik yünäleşne dä üzgärter ide.Ägär dä ul İzrael cämäğätçelegeneñ istingına iärsä , töbäktä totrıqlılıq häm tınıçlıq urnaştıru öçen tırışırğa tieş.

Misırnıñ MENA xaber agentlığınıñ Brüssel korrespondentı Tarek Mäxmud şiklänep qarıy

Mäxmud(audio)

Ber yaqlı aktlar belän solıx urnaştırıp bulmıy.Andıy eşlär öçen 2 keşe kiräk.Gazadan çigenü häm Könbatış Üzändäge qayber utarlarnı buşatudan soñ fälästinnär belän çınlap eşli başlayaçaqlar dip ömedlänäm.

Ütkän atnada İzrael belän Misır arasında ireşelgän kileşügä kürä Mısırnıñ 750mäxsus çik politsiäse İzrael saqçıları belän alıştırıla.Şulay itep Mısır politsiäse Gazanıñ könyaq çige aşa qoral kontrabandasın tuqtatırğa tieş bulaçaq. İzrael saqlanu ministırı Shaul Mofaz, kileşü yäşren qoral säwdäsen buldırmau cawaplılığın Mısırğa yökli dip äytte. Ämma qayberäwlär İzraelneñ çigenüennän soñ da Gazadağı fälästinnär totqın bulıp qalaçaq, çönki İzrael Gazanı cir, hava häm dinegezdän kontrol itep toraçaq digän tänqitli qaraş belderä. färidä xämit
XS
SM
MD
LG