Accessibility links

якшәмбе, 4 декабрь 2016, Казан вакыты 23:34

Pasport-viza xezmäte başlıqları rişwät aluda şiklänelä


Şulay dip “Bötenrusiä keşe xoquqları öçen” xäräkäteneñ Başqortstan bülekçäse räise İldar İsänğulov belderde. Süz Başqortstan Eçke eşlär ministrlığınıñ pasport-viza xezmäte idarälege başı Färit Abdraxmanov häm anıñ urınbasarı Rafik Qağarmanovlar turında bara. Uzğan xäbärebezdä ireşterüebezçä, alar 700dän artıq äfğanlını qanunsız terkärgä röxsät birgän. Xoquq yaqlawçı İldar İsänğulov alarnıñ terkälü öçen här äfğanlıdan meñ yarım amerikän dolları rişwät aluı yäşerelep qaldırıluın belderde . Ul respubliknıñ Eçke eşlär ministrlığında bu eş buyınça maxsus tikşerü ütkärelmäwen ministr Rafail Diwayıvnıñ üzeneñ dä kriminäl struqturalar belän bäyle buluı belän añlata. Xoquq yaqlawçı Räis Däwlätxucin Mäskäwneñ Basman mäxkämäsenä möräcägät itte. Ul Başqortstan eçke eşlär ministrı Rafail Diwayıvnı qanun bozuda ğäyepli. Däwlätxucin bu eştä cawap totuçılar itep Rusiä Prezidentın, General prokurorın häm Eçke eşlär ministrın kürsätkän. Ğarizada alarğa berniçä tapqır möräcägät itep tä çaralar kürelmäwe cinayät bulıp toruı äytelgän.

XS
SM
MD
LG