Accessibility links

җомга, 9 декабрь 2016, Казан вакыты 01:14

Qazannıñ 1000 yıllığın bäyräm itü üzäk waqıyğa bulıp qala kilä


Respublikanıñ Prezident Xaqimiäte bäyrämgä räsmi ike genä keşe baru ixtimallığın ireşterde. Alar: Başqortstan Prezidentı Mortaza Räximov häm Ufa xaqimiäte başlığı Pawel Qaçqayıvlar. Şuña östäp çaqırılğan ike xalıq yazuçısı Mostay Kärim häm Rawil Bikbayıvlarnıñ da bara aluları şik astında. Eş şunda – Mostay Kärim sälamätlege säbäple bara almasa, Rawil Bikbay yul faciğäsenä eläkkän. Xäle qurqınıç bulmasa da, xastaxanädän çığıp citüe ikele buluın ireşterdelär. Bötendönya tatar kongressı çaqıruı buyınça baruçılar aldında da qayber awırlıqlar tuğan. Säbäbe – finans awırlıqlarğa bäyle. Kongress Qazanda yäşäw häm tuqlanu çığımnarı kiläse yaq östendä buluın ireştergän ide. Bäyrämgä baraçaq keşelärneñ şaqtıy öleşe bu çığımnarnı kütärergä äzer bulmawların belderde. Başqortstan tatarları kongressı başqarma komitetı räise xäldän çığu öçen Qazanğa çaqırunı qayber eşquarlarğa satuı turında beldergän ide. Ul eşquarlarnıñ xaqimiät quşuı buyınça soñğı könnärdä monnan baş tartuları mäğlüm buldı. Säfärne oyıştıruçılar mäsäläne çişü öçen eşquarlarnı cälep itergä, qalğan çığımnarnıñ ber öleşen bäyrämgä baruçılarnıñ üzlärennän kütärtergä digän qararğa kilde. Tulısınça yul çığımnarı barı tik dürt keşegä genä tülänäçäk. Alar arasında Färidä Qudaşewa, suğış veteranı Dayan Murzin , şağir Färit Ğabdräxim häm ber xezmät veteranı bar. “Bignovnıñ Qazanda terror ğämälläre ütkärüe ixtimal”. Şulay dip “Moskovskiy komsomoles v Ufe” gazite xäbär itte. Aña qarağanda, İnğuşetiädä qorallar häm yazu tabılğan. Yazuda qoral xucasına Qazannıñ meñellığına qädär ölgerep qalırğa quşılğan. Zaqazçınıñ iseme dä quyılğan. Ul – Ramil Bignov. Başqortstan tatarları milli-mädäni möxtäriäte bu uñaydan protest belderde. Anda bu ğämäl Qazannıñ meñellığına barunı özü häm Ramil Bignovnıñ abruyın töşerü öçen eşlänüe äytelgän. Möxtäriät Rusiäneñ Generäl proquraturasın häm Başqortstan respublikı proquraturaların deleğätsiäneñ Qazanğa säfären üz küzätüe astına alırğa çaqıra.

Mönir WAFİN, Ufa

XS
SM
MD
LG