Biredä alar ike ilneñ berençe zur urtaq xärbi künegülären küzätä.
Qıtay saqlanu ministrı Çao Gañçuan belän Rusiä saqlanu ministrı Sergey İvanov ber atna barğan bu künegülär ike il arasındağı strategik xezmättäşlekneñ yaña däräcäsen kürsätte dide.
Cirdä, diñgezdä häm hawada barğan bu künegülärdä 10 meñläp xärbi qatnaşa. Alarnıñ 1800-e Rusiädän.
Tınıçlıq missiäse 2005 dip atalğan bu künegülär şartlı ber ildäge etnik nizağqa BMO qararı nigezendä intervensiäne xäterlätep oyıştırılğan.
Xärbi künegü Rusiäneñ Vladivostok portı yanında başlandı. İrtägä sigezençe könendä ul Qıtaynıñ könçığışındağı Şandoñ yarımutrawı yanında tämamlanaçaq.
